Иако не можете да го видите, бебето во стомакот има свој мал микросвет во кој се смее, плаче, ужива или воопшто не ужива во работите што се случуваат во „надворешниот свет“. Порталот Mom Junction направи листа на работи кои мајките често ги прават, но на бебето во стомак воопшто не му се допаѓаат…
1. Не го сакаат вашето долго и интензивно смеење
Ако мајката се смее многу и долго, бебето се чувствува како да е фрлено на трамболина на која не престанува да потскокнува. Затоа обидете се да избегнувате гласна смеа за да не го вознемирувате.
2. Не сакаат постојано да ги боцкате
Во третиот триместар, кога бебето е веќе големо, мајките често го боцкаат со прстите за да откријат во која положба се наоѓа. Бебето сака кога го галите и допирате стомакот, но не претерувајте. Никогаш не знаете што прави бебето во стомакот во моментот, а ако истражувате премногу со прстите, може да стане мрзоволно и да почне да бега од вашиот допир.
3. Не сакаат ненадејни и гласни звуци
Иако бебињата можат да слушаат само пригушени звуци во матката, тие мразат ненадејни звуци. Чувајте го вашиот стомак подалеку од гласниот миксер, а кога сте надвор, внимавајте на гласните сирени.
4. Не сакаат мама да е под стрес
Како што се чувствува мајката, така се чувствува и бебето. Ако сте под премногу стрес, количината на вашите хормони одеднаш се зголемува и веројатно може да влијае на вашето бебе. Практикувајте техники за релаксација, како што се длабоко дишење, медитација, вежбање – сè што ќе ве направи поопуштени.
5. Не сакаат кога премногу си играте со светлина
Бебињата реагираат кога ќе им вперите батериска лапма во стомакот. Премногу светлина може да го иритира бебето, особено ако сте избрале време кога тоа одмара.
