Додека првото породување е изненадување за жената, вториот пат е полесно, оти таа знае што ја чека, а и телото е подготвено.
Второто породување е пократко
Додека првото породување просечно трае 18 часа, второто обично трае пократко, просечно околу 8 часа. Секако, кај секоја жена е различно, но повеќето жени имаат второ пократко породување. За време на првата бременост и породување, лигаментите веќе се опуштиле и растегнале, што прави бебето, вториот пат полесно да излезе.
Трудовите болки доаѓаат побрзо
Мускулите и лигаментите во карлицата и вагината веќе создавале простор за бебе и ја туркале нанадвор, така што вториот пат се оди многу побрзо.
Втората бременост просечно трае пократко
Бременоста трае 40 недели. Почетокот на бременоста се смета од првиот ден на псоледниот менструален циклус. Првата бременост трае просечно 41 недела и 3 дена (10 дена подолго). Втората бременост просечно трае 40 недели и 3 дена. Телото веќе минало низ бременост и хормоните делуваат побрзо.
Грчевите по породување се помали
Природно е во првите три до пет дена матката да се чувствува, кога бебето ќе почне да цица. Тогаш телото ослободува хормон – окситоцин, кој помага матката да се собира, односно да се грчи, како би се намалила величината од пред бременоста. Грчевите се слични како при менструален циклус.
Поголема самодоверба на породувањето и во мајчинството
Иако второто породување ќе биде поинакво од првото, сега веќе жената е упатена во целиот процес и знае што треба да очекува. Многу мајки велат дека имаат поголема самодоверба на второто породување, и повеќе уживаат и во бременоста и во мајчинството, оти помалку се грижат и повеќе веруваат во себе.
