Иако намерата на родителите сигурно не е да пораснат деца кои мислат дека се центар на светот, сепак и тоа се случува. Но, ова не се случува само на децата кои на некој начин се привилегирани (финансиски и слично). За среќа, стручњаците тврдат дека е многу лесно да се зауздаат разгалените деца, доколку знаете да ги препознаете знаците:
- Не може да се грижи за себеси
Се разбира, децата не треба да зависат само од себеси, но родителите се должни да всадат кај детето чувство на одговорност. Еден начин за детето да ја разбере важноста на одговорноста е да започне да се грижи за себе до одреден степен. На пример, може да почне само да се облекува, да ги четка забите и слично.
- Не помага во домашните работи
Децата исто така треба да се вклучат во активности поврзани со чистење на домот. Не е толку важно која активност ја прават, туку е важно да учествуваат и се да е прилагодено на нивната возраст. Малите деца сакаат да им помагаат на своите родители и треба да им го дозволите тоа.
- Не знае да прифати неуспех
Тоа не мора секогаш да биде победник и тоа е лекција што треба да се научи за цел живот. Ако не научи да толерира неуспех, може да развие анксиозност. Тоа може да биде значаен проблем и да го натера детето да се откаже од обидот повторно да успее во нешто.
- Не прифаќа “не“ како одговор
Ако откриете дека на вашето дете му е навистина тешко да го слушне зборот „не“, треба да обрнете внимание на тоа. Ваша задача е како родител да поминете некое време размислувајќи за границите што ќе ги поставите и да се обидете да се придржувате до нив што е можно почесто. Треба да го научите вашето дете да почитува авторитети.
- Често се прашувате дали треба да бидете построги
Ако често се прашувате дали постојано ги преминувате вашите граници што сте ги воспоставиле како родител, можеби е време за промена. Ова не значи дека треба да бидете груби кон детето. Целта е да се најде рамнотежа помеѓу родителската љубов и честите отстапки.
