Втората бременост се разликува од првата, но од прилика веќе знаете што да очекувате. Сепак, имајте на ум дека секоја бременост е единствена, па можеби сега воопшто нема да почувствувате некои симптоми кои сте ги имале додека сте го чекале првото дете. Исто така, целото искуство најверојатно ќе биде понакво.
Повеќе замор
Сосема е логично дека за време на втората бременост ќе бидете поизморени, бидејќи веќе имате едно дете за кое треба да се грижите. Трчањето по детето, а со друго во стомакот, не е нимаку едноставна задача и многу заморува.
Помалку анксиозност
Со оглед на тоа дека веќе сте искусиле една бременост и породување, кај втората бременост ќе имате помалку страв, бидејќи од прилика знаете што ве чека. Иако втората бременост, во некои работи, се разликува од првата, знаете што може да очекувате и тоа донекаде ве смирува.
Порано ќе ги почувствувате движењата на бебето
Веќе сте поминале низ една бременост, па знаете како е кога во стомакот носите бебе. Од таа причина, многу е веројатно дека порано ќе дознаете дека сте бремени и ќе бидете свесни за секое движење на бебето.
Можеби ќе чувствувате поголеми болки во карлицата
Ако во зглобовите чувствувате поголема болка отколку во првата бременост, постои причина за тоа и заради ова не мора да се грижите. Поради првата бременост зглобовите биле под голем притисок, па затоа малку и ослабнале. Карличните зглобови се опуштени, а притисокот од растењето на бебето ја влошува болката во подрачјето на карлицата и колковите.
Бебето ќе биде сместено пониско во стомакот
Не грижете се ако второто дете не е во иста положба како што било првото. Матката веќе носела едно дете, па мускулите се сега послаби, а исто така и стомачните, па ова е причината зошто второто дете ќе биде сместено пониско. Заради ова можеби ќе чувствувате поголем притисок и ќе имате почеста потреба за уринирање, но причини за грижа нема.
Лажни аларми
Ако сте мислеле дека телото по една бременост ќе може подобро да ги препознае вистинските контракции, се лажете. Истражувањата покажале дека дека лажните контракции кај втората бременост се почести, а тоа е бидејќи бебето е сместено пониско во матката.
Пократко и побрзо породување
Породувањето на второто дете би требало да биде пократко, побрзо и побезболно. Со оглед на тоа дека еднаш сте родиле, цервиксот е многу пофлексибилен, па бебето полесно ќе излезе.
