Родителството е напорно и понекогаш се чини дека на обврските и грижите им нема крај. Сепак, децата не остануваат деца засекогаш и како што растат, нивната потреба за нас се намалува. Мајката рејси Жилет, авторка на блог за деца и родители, споделува кои сознанија за родителството и децата и ја промениле перспективата и и помогнале да постигне подобар однос со нејзиното дете.
- Детството трае кратко
Децата ќе бидат мали само за кратко време. Пред да се свртиме, тие веќе шетаат и разговараат, сами си подготвуваат ужина. Затоа е важно да се создаваат спомени и на прво место да се стават заедничките искуства. Внимателно бирајте на што го подарувате вашето време.
- Забавување и поедноставување
Поедноставете се што можете и препуштете се на прекрасниот хаос на родителството. Оддалечете се од постојаните императиви за морање, организирање, правење распоред и колку што можете повеќе, само бидете со вашите деца.
- Разиграноста е потценета во нашата култура
Разиграноста е најкраткото растојание помеѓу децата и нас. Негувајте ја вашата смисла за хумор и ослободете се од срамежливоста кога станува збор за играње во јавност. Бидете лукави и забавувајте се.
Не дозволувајте вашето его да ви застане на патот и да ве принуди секогаш да бидете сериозни. Опуштете се и животот со децата ќе ви биде полесен. Играта нека биде ваш сојузник во родителството.
- Не треба секогаш да бидете во право
Во односите, а особено во односот со децата, понекогаш е поважно да се биде фин отколку да се биде во право. Ова не значи дека треба постојано да им попуштате на децата. Поставете им граници, но со љубов. Бидете сочувствителни и обидете се да ја разберете приказната од нивната позиција.
- Не етикетирајте
Дождливото време не е грдо, тоа е такво какви што е. Да се биде вознемирен не е лошо, тоа е така како што е. Често се жалиме кога другите не обвинуваат или етикетираат, а не сме свесни колку ние самите тоа го правиме. Дури и децата ги нарекуваме пречувствителни, немирни и лесно им даваме карактеристики кои создаваат товар.
Треба да научиме да ги набљудуваме појавите, луѓето и нештата без судење. За тоа е потребно време и пракса, но вреди. Кога ќе ја отпуштиме идејата дека треба да се занимаваме со неважни работи, тоа ни отвора простор да го правиме она што ни е важно.
- На децата им се важни малите работи
Понекогаш она што го сакаат децата ни изгледа неважно во нашиот зафатен возрасен свет. Нивните играчки, соништа и емоции не се ништо помалку вредни само затоа што тие се мали. Кога им е тешко, треба да знаат дека сите нивни емоции се во ред и дека сте тука за нив.
