Тие завршуваат друга работа додека бебето спие – ова е почетната и најчеста грешка што ја прават новите мајки во желбата да направат што е можно повеќе околу бебето и во домот, а всушност треба да спијат или да се одморат кога бебето спие.
Многу млади мајки ги споредуваат своите бебиња со други деца и тоа секогаш со прашањето „Колку месеци има вашето бебе?“. Дали е лошо што вашето бебе уште не може да се преврти, иако е постаро од моето? Дали нешто не е во ред со вашето дете? Ова е исто така грешка, бидејќи секое дете може да направи нешто различно во различно време.
Подригнувањето е дел од класичната идеја за тоа што треба да прави бебето, па според тоа младите родители одат со бебето на раменици од едниот до другиот крај на собата. Вистина е дека некои бебиња треба да подригнат за да го исфрлат вишокот млеко, додека многумина можат и без тоа.
Сите родители со нетрпение чекаат бебето да прооди, се трудат да го поддржат бебето и да му олеснат во тоа, преморени се да ја тргнат секоја коцка и ситен предмет од подот. Оваа голема вознемиреност обично е бескорисна, а вие секогаш сте тука ако нешто тргне наопаку.
„Нивното бебе е мирно и никогаш не плаче“.Повторно споредба која е погрешна и излишна. Кога бебето е уморно ќе спие, ако му е топло, ако се валкани пелените ќе реагира. Тоа е неговиот начин на комуникација.
„Без шеќер во првата година од животот!“. Ова е класичен став на современите родители. Ќе се случи вашето дете да наполни три години кога друго дете во паркот ќе му понуди бонбона и тука завршува вашата приказна за доследноста. Децата навистина сакаат да го јадат она што го јадат нивните постари браќа и сестри или пријатели.
