Повеќето луѓе заразени со вирусот Западен Нил немаат никакви симптоми. Околу 20 проценти од заразените развиваат благи знаци на инфекција.
Вирусот на Западен Нил се пренесува главно со убод од заразен комарец. Повеќето од заразените со овој вирус или не развиваат симптоми или се благи. Сепак, некои луѓе развиваат болест опасна по живот која вклучува воспаление на ‘рбетниот мозок или мозокот, пишува на веб-страницата на клиниката „Мајо“.
Благите симптоми на западнонилската треска обично поминуваат сами. Веднаш побарајте медицинска помош ако имате симптоми на сериозна инфекција, како што се силни главоболки, вкочанет врат, дезориентација или конфузија. Сериозна инфекција генерално бара хоспитализација
Симптоми на инфекција
Вообичаени симптоми се: треска, главоболка, болки во телото, повраќање, дијареја, замор и осип на кожата. Токму овој осип е еден од знаците што го разликуваат убодот од комарец заразен со вирусот Западен Нил од убодот на обичен комарец.
Знаци на сериозна инфекција
Кај помалку од еден процент од заразените луѓе, вирусот предизвикува сериозна инфекција на нервниот систем. Ова може да вклучи воспаление на мозокот (енцефалитис) или мембраните кои го опкружуваат мозокот и ‘рбетниот мозок (менингитис).
Симптомите на невролошки инфекции вклучуваат висока температура, силна главоболка, вкочанет врат, дезориентација или конфузија, но исто така и кома, тремор или грчење на мускулите, напади, делумна парализа или мускулна слабост, губење на видот и вкочанетост.
Симптомите на западнонилската треска обично траат неколку дена. Сепак, знаците на енцефалитис или менингитис може да траат со недели или дури со месеци. Одредени невролошки ефекти, како што е мускулната слабост, може да бидат трајни.
Кога да одите на лекар
Благите симптоми на западнонилската треска обично поминуваат сами. Веднаш побарајте медицинска помош ако имате симптоми на сериозна инфекција, како што се силни главоболки, вкочанет врат, дезориентација или конфузија. Сериозна инфекција генерално бара хоспитализација.
Изложеноста на комарци таму каде што е присутен вирусот Западен Нил го зголемува ризикот од инфекција. Можете да го намалите ризикот со тоа што ќе се заштитите од комарци со користење на репеленти и носење облека што ја покрива вашата кожа.
