Повеќе од половина од жените кои претрпеле траума за време на породувањето го одложиле раѓањето на уште деца. Истражувањето спроведено меѓу 1000 мајки на порталот Mums net покажало дека 79 отсто од испитаниците доживеале траума за време на породувањето. Тоа се случило како резултат на непланиран царски рез и итно или тешко, долготрајно и болно породување.
Дури две третини од мајките не веруваат дека здравствените работници направиле се што можеле за да спречат траума при раѓање
Речиси две третини од мајките кои доживеале траума при породувањето изјавиле дека почувствувале „недостаток на сочувство“ од здравствените работници за време на породувањето, додека 44 проценти рекле дека медицинскиот персонал со своите изјави имплицирал дека тие се „виновни“ за нивното искуство. Приближно 53 отсто од нив велат дека негативното искуство ги обесхрабрило да имаат повеќе деца.
Дури две третини од мајките не веруваат дека здравствените работници направиле се што можеле за да спречат траума при раѓање.
„Резултатите од ова истражување се вознемирувачки. Тие зборуваат за моето искуство и за ужасните искуства на многу други жени. Јасно е дека е потребно повеќе сочувство, едукација и подобра грижа за мајките кои претрпеле траума доколку сакаме да го подобриме физичкото и менталното здравје на овие жени“, изјави британската политичарката Тео Кларк, која и самата зборуваше за сопственото трауматично раѓање за „Дејли мејл“.
