Резултати од истражување кое е спроведено на Универзитетот во Оукленд покажале дека жените кои спијат на грб имаат поголем ризик од губење на детето, а тие ризици се најголеми по 28. недела од бременоста. Авторката на истражувањето, Лесли МекКоун изјавила дека едноставната метода на спиење на страна го намалува ризикот од губење на бебето на породување за околу 9 проценти.
“Кога лежите на грб во доцна бременост, тежината на матката ја компримира големата вена воо стомакот позната како долна шуплива вена, која ја намалува крвта која се враќа во срцето и го намалува протокот на крв во матката“, објаснува проф. МекКоун и тврди дека спиењето на една и вртењето на друга страна во текот на сонот, се едноставен начин трудниците да го намалат овој ризик.
Во истражувањето учествувале 569 жени кои биле бремени и родили живо дете, и 164 жени кои родиле мртвороденче во или по 28. недела од бременоста. Авторите на студијата истакнуваат со ова може да се спасат 15 бебиња годишно.
“Било какво истражување кое може да помогне да се спречи да барем едно семејстви не минува низ она што многу семејства го минале, е вредно истражување“, рекла проф. МекКоун.
ПРЕПОРАКИ ОД ИСТРАЖУВАЊЕТО
- Дали е подобро да се спие на лева или на десна страна? Многу стручњаци и претходно потврдиле дека спиењето на лева страна е најдобро.
- Што да направам ако се разбудам среде ноќ на грб? Не грижете се, ова е нормално. Само повторно вратете се да спиете на страна.
- Зошто страната на која ќе заспијам е поважна од онаа на која ќе се разбудам? Положбата во која заспивате е онаа во која сте во најдолг и надлабок сон, и затоа има поголемо влијание на бебето.
- Што можам да направам за да ги зголема шансите да останам на страна цела ноќ? Перница зад вашиот грб многу помага во тоа.
- Што е со спиењето преку ден? Многу трудници дремат преку ден. За попладневниот сон важат истите правила.
