Скапоцен подарок на живот кој родителите можат да го пренесат на своите деца е љубовта кон книгата и читањето. Ова се пет едноставни совети како тоа да го постигнете.
Секоја вечер одвојте еден час за читање
Обидете се секоја вечер да бидете заедно цело семејство во дневната соба. Еден час пред спиење исклучете ги мобилните телефони, телевизорот и компјутерот и земете книга в рака. Децата не мора да читаат, туку може да цртаат, а Вие со партнерот можете да читате книга. По некое време, и децата ќе земат книга в рака и тоа ќе им стане навика да го прават секоја вечер. Ако имате мали деца, кои се уште не знаат да читаат,ова време поминете го со нив. Честото читање интересни приказни и сликовници на глас од рана возраст, ќе ја поттикне нивната заинтересираност за книгата и за читањето.
Дозволете им да читаат што сакаат
Не ги ограничувајте децата со одреден избор на книги. Однесете ги во детска библиотека и нека тие сами си изберат за себе она што сакаат да го читаат. Многу важно децата да почувствуваат слобода на избор и сами да си пронајдат она што нив ги интересира, а тоа може да бидат дури и спортските страници на некои весници.
Негувајте ја традицијата на раскажување бајки
Прераскажување на бајките е исто толку важно колку и читањето на глас. Всушност, тоа е убава традиција која може да послужи како прв чекор кон развој на детската љубов за читање книги. Сигурно се сеќавате на класичните бајки што ви ги раскажувале вашите родители. Сега е совршено време да ја превземете улогата на вашите родители и да продолѓите со оваа прекрасна традиција.
Смислувајте приказни и пишувајте книги
Читањето книги поттикнува имагинација, мечтаење и креативност. Ова може да се искористи за измислување сопствени приказни и создавање сопствени книги. Обидете се што е можно повеќе да ги охрабрите децата на таков начин да ја изразат својата креативност. Нека самите ги пишуваат своите приказни, вие помогнете им околу изборот на тема или разработката на приказната, а кога приказната ќе биде готова можете заедно да ја насликате насловната страна и да уфрлите листови кои потсетуваат на вистинска книга.
Не сфаќајте многу сериозно
Читање треба да биде задоволство, а не задача и обврска. Затоа, немојте да им создавате притисок на своите деца. Има денови кога дури и најголемите љубители на книгата не им се поминуваат ниту 20 минути читајќи. Прилагодете се на ситуацијата и заедно со децата пронајдете друга активност која може да делува и која ќе им ја поттикне креативноста и имагинација.
