Без разлика колку среќа ви носат децата, признајте дека постојат ситуации кога ве полудуваат и посакувате да „излезете од сопствената кожа“
Понекогаш се случува да им се извикате кога не ви е денот, кога децата се упорни и тврдоглави, кога доцните или едноставно не се послушни. Вие викате, па после се каете. А децата се чувствуваат виновни, па тие и вие се чувствуваме лошо. И така во круг.
За да не се чувствувате така, прочитајте што треба да направите кога неправедно ќе му се извикате на детето.
Одвојте време да се „оладите“
Одвреме-навреме ќе ви биде потребен воздух откако ќе ги изгубите нервите со децата. Само вдишете длабоко и ако не можете да излезете надвор, тогаш само напуштете ја просторијата во која се наоѓате.
Тоа е потребно и на децата и на родителите.
Утрото потоа ќе видите дека ќе се чувствувате подобро, а таа одвоеност од детето само ќе ве зближи, па утрото ќе потрчате еден кон друг.
Веднаш покажете наклонетост
По расправија со дете, важно е да му покажете љубов. Според д-р Џејн Нелсен, физичката наклонетост влијае на хемијата на мозокот кај децата, која е поврзана со позитивното однесување. Доволна е само искрена прегратка.
Објаснете како сте се чувствувале
Разговорот за вашите чувства после расправија е клучен чекор. Бидете искрени со вашето дете и користете изјави „јас“. Тие го принудуваат говорникот да изрази чувства, наместо да ги обвинува другите. На пример: „Ти“ изјава: Никогаш не ме слушаш; Изјава „Јас“: Се чувствувам фрустрирано кога чувствувам дека не можам да се изразам.
Разговарајте за блиската иднина
Разговарајте за тоа што можете да направите во блиска иднина. На пример, ако вие и вашето дете поминувате многу време борејќи се за тоа каква облека да облече. Наместо тоа, договорете се тоа да го правите навечер за да не губите време наутро.
Направете убава работа заедно за да продолжите понатаму
По отворена дискусија, време е да ја оставите ситуацијата зад себе и повторно да се поврзете. Поминете 15 минути зборувајќи за нешто што не е поврзано, боење заедно или одење на прошетка. Квалитетното време еден на еден е лек за семејство под стрес.
