Трејси Волдер работела како оперативец на ЦИА и специјален агент на ФБИ. Професионалното искуство и помогнало да ги заштити сопствените деца на најдобар можен начин, а сега таа ги споделува своите совети за родителите на училишните деца на TikTok.
Волдер најпрво ги предупредува родителите да не ги истакнуваат личните податоци на своето дете на надворешната страна на училишната торба или ранец.
„Иако тоа е најдоброто нешто што можете да го направите во случај да се изгуби чантата на вашето дете, тоа е погрешно. Ставете ги личните податоци од внатрешната страна на ранецот, заедно со вашата адреса“, рече таа.
Таа предупреди дека личните податоци, кога се истакнати однадвор, може да ги види непознат човек и да го нарече детето со неговото лично име, што може да доведе до непријатна ситуација.
„Исто така, наместо да го напишете бројот на детето или вашиот сопствен мобилен телефон на чантата, обидете се да го научите детето да го запомни. Ако не успее, разбирам, тоа може да биде тешко за малите деца. Тогаш и тоа напишете го на внатрешната страна во ранецот“, додава таа.
Со цел секогаш да знае каде се децата, Валдер користи локатор, кој е прикачен на нараквицата на детето. И на крај советува да не се објавува локацијата на училиштето на детето на социјалните мрежи.
„Тоа е личен избор дали сакате да споделувате фотографии од децата, но никогаш не знаете кој може да ги види информациите за локацијата каде живеат или каде одат на училиште. Лесно е да се најде на интернет, но не сакате да им ја олесните таа работа на странците“.
