Бременоста и периодот по породувањето со себе носат низа промени кои кај секоја жена може да се манифестираат различно. И додека повеќето зборуваат за негативните промени, ретко кој ги спомнува позитивните.
Но, група мајки откриле на кои се начини се променило нивното тело по породувањето. Освен испукани брадавици на градите, течење на млеко од дојките, болки во зглобовите, болки во долниот дел на грбот, стрии, лузни, зголемен апетит, намалено либидо, мајките откриле и некои позитивни промени по породувањето за кои дотогаш и не размислувале.
На мајките кои дојат, најголема предност им биле големи и едри гради. Освен тоа, цврстите и мускулести раце и рамена поради подигање на бебето се уште една предност. Некои од нив се бореле со псоријаза, која по раѓање се повлекла, а кај некои со тек на време се изгубиле и голем дел на масни наслаги.
Една мајка додала дека со породувањето се зголемил нејзиниот праг на болка. Други пак навеле дека честите прошетки со децата надвор им ја подобриле кондицијата, а и нивото на витамин Д поради престојот на сонце. Некои откриле дека храна која претходно не ја поднесувале, по породувањето веќе не им била одбојна.
Женското тело по породувањето се менува во многу погледи. Тоа по породувањето, треба да се врати во форма и во претходна состојба, но за тоа е потребно одредено време, затоа не очајувајте, туку радувајте се на малите победи.
