Новиот коронавирус на луѓето буквално им стана кошмар, покажала студија за сонот, спроведна во Финска меѓу 4.000 волонтери. Тие на научниците им ги раскалаже своите соништа за време на карантинот воведен во првиот дел од оваа годинава.
Соновите за изгубени пасоши, затворени граници, за многу луѓе во мал простор и за смрт, одново и одново се повторувале во исказите на волонтерите.
Ракувања и прегрнувања исто така биле дел од кошмарите. Лицата кои ги сонувале ги доживувале како непримерно кршење на правилата за физичка дистанца.
“Соништата вообичаено се приватна работа, но кога опкружувањето брзо се менува во така кратко време, многумина се чини имаат исти асоцијации“, вели главна авторка на истражувањето, психологот Ана-Катрина Песонен.
Студијата е објавена во списанието “Frontiers in Psychology”.
Една четвртина од пријавените 4.000 Финци пријавиле почесто кошмари од пред пандемијата, а една третина почесто се буделе навечер. Но, околу половина од учесниците спиеле и повеќе од вообичаено, делумно поради тоа што работеле од дома.
