Од почетокот на пандемијата на коронавирус, здравствените експерти советуваат да носите заштитна маска за да го намалите ризикот од заразување со вирусот. Но, не се сите маски подеднакво ефикасни.
Мајкл Остерхолм, директор на Центарот за истражување и политика на заразни болести при Универзитетот во Минесота, вели дека платнените маски и марамите се помалку ефикасни во заштитата од вирусите и дека маските N95 се многу подобра опција.
Остерхолм истакнува дека платнените маски не го спречуваат ширењето на вирусот толку ефикасно како што некои мислат. Американскиот центар за контрола и превенција на болести (CDC) наведува дека платнените маски обезбедуваат одредена доза на заштита и дека ефективноста на овие маски зависи од видот на ткаенината, бројот на слоеви и дали маската ви стои правилно.
CDC постојано ги проучува сите овие фактори. Досегашните студии покажале дека повеќеслојните платнени маски штитат подобро од еднослојните маски и дека во некои ситуации можат да филтрираат околу 50 проценти од фините честички на вирусот, според CDC.
Маските доведоа до пад на бројот на новозаразени
Платнените маски не го спречуваат ширењето на вирусот толку ефикасно како што некои мислат. Американскиот центар за контрола и превенција на болести (CDC) наведува дека платнените маски обезбедуваат одредена доза на заштита и дека ефективноста на овие маски зависи од видот на ткаенината, бројот на слоеви и дали маската ви стои правилно
Треба да се напомене дека претходните анализи покажале дека носењето маски кај општата популација довело до голем пад на бројот на новозаразени.
„Мораме да зборуваме за тоа како подобро да се заштитиме со маски. Треба да зборуваме за N95 маски што можат да направат многу и за невакцинираните и за оние кои претходно не биле заразени“, рече Остерхолм.
CDC ги класифицира KN95 и N95 како маски кои се „дизајнирани и тестирани за да обезбедат работа на конзистентно ниво како би се спречило ширење на Ковид-19“, пренесува „The Hill“.
Остерхолм истакнува дека денес знаеме многу повеќе за ефикасноста на маските отколку што знаевме на почетокот. Покрај тоа, Скот Готлиб, поранешен комесар на Администрацијата за храна и лекови (ФДА), во јули рече дека е потребна квалитетна маска за заштита од соеви толку заразни како што е делта варијантата. Готлиб, исто така, истакна дека маските KN95 и N95 би можеле да бидат многу поефикасни.
