Пред да дојде бебето, родителите се опседнати со креветчиња, колевки и други работи кои ќе им бидат потребни за спиење на нивното бебе. Потоа се враќате од болница со бебето и завршувате со дополнително мало лице во креветот. Поради некоја причина, кога бебето спие со вас во кревет, добро спие и нема дополнителни будења. Ако сте се запрашале „Зошто бебето спие подобро со мене во кревет?“, треба да знаете дека постои добро објаснување за тоа, науката објаснува сè.
Според д-р Џејмс Мекена, автор на книгата „Спиење со вашето бебе: водич за родителско спиење“, бебињата подобро спијат кога се во ист кревет со мајката од една едноставна причина: тоа им е биолошки потребно. Д-р Мекена тврди: „Невролошките одговори на мајчините мириси, движења и допири целосно го намалуваат плачењето и позитивно го регулираат дишењето, температурата на телото, апсорпцијата на калории, нивото на хормонот на стресот и протокот на кислород“.
Ова потсетува на она што го велат научниците за позитивните ефекти од контактот “кожа на кожа“, особено кога станува збор за регулирање на нивото на кислород и температурата на телото. Мекена силно се залага за заедничко спиење, но спиењето мора да биде безбедно за да се спречи задушување и други опасности.
Д-р Сирс, уште еден поборник за споделување кревет со бебето, верува дека оваа пракса им помага на бебињата подобро да спијат бидејќи се чувствуваат заштитени и безбедни во текот на ноќта. „Спиењето на градите на мама, тато или во нивните раце е здрав однос кон спиењето. Детето учи дека спиењето е пријатна состојба (што е една од целите на родителите)“, нагласува д-р Сирс.
Насоките предупредуваат дека детето никогаш не треба да спие на кауч, тросед или фотелја, а препораките се бебето да има свој простор во собата. Тие предупредуваат дека бебето треба да се стави во заеднички кревет само кога се храни или теши, а потоа повторно да се стави во креветчето.
Американското здружение за педијатрија даде препораки за безбедно спиење на децата и намалување на ризикот од СИДС:
- Бебето секогаш треба да спие на грб без разлика дали е дневен или ноќен сон (не грижете се ако вашето бебе е доволно големо и само се врти на стомак за време на спиењето).
- Доенчињата треба да спијат на цврста и рамна површина во креветче или колевка што ги исполнува сите безбедносни барања.
- Никогаш не ставајте дете да спие на кауч, софа или фотелја.
- Отстранете ги сите меки предмети, вклучувајќи играчки, перници и навлаки од креветчето.
- Најбезбедно место за спиење е колевка или креветче кое се става во истата просторија каде што вие спиете.
