Жените кои имаат потешкотии со спиењето имаат три пати поголем ризик да бидат неплодни од нивните врснички кои немаат проблеми со спиењето, укажува нова стусија. Доколку несоницата е одговорна за наведените потешкотии со спиењето, тогаш ризикот од неплодност е дури четири пати поголем.
Инаку, некои претходни студии укажале на поврзаноста помеѓу слип апнеата и неплодноста кај жените.
Се смета дека жените во репродуктивна возраст треба да си легнуваат порано и да избегнуваат ноќна работа или да користат мобилни уреди пред спиење.
Исто така, здравата исхрана, редовното вежбање и здравите животни навики можат да помогнат во спречување на развојот на неплодност.
Околу 1 од 10 жени во репродуктивна возраст има потешкотии со забременување. Во повеќето случаи, за наведените потешкотии е одговорна хормоналната нерамнотежа што може да се најде кај синдромот на полицистични јајчници (PCOS). Во помал број случаи, запушените јајцеводи и структурните проблеми или фиброидите на матката може да бидат одговорни за неплодност кај жените.
Пушењето, прекумерното консумирање алкохол, стресот, нездравата исхрана, прекумерното вежбање, обезноста и сексуално преносливите инфекции исто така можат да придонесат за неплодност.
Треба да се напомене дека жените со нарушувања на спиењето исто така имаат поголема веројатност да развијат разни хронични здравствени проблеми, вклучувајќи висок крвен притисок, висок холестерол, нарушувања на белите дробови и проблеми со бубрезите. Исто така, жените со нарушувања на спиењето имаат поголема веројатност да имаат нередовни менструални циклуси, проблеми со тироидната жлезда, депресија и анксиозност.
Извор: Sleep
