Во италијанската регија Ломбардија, која воедно е и најпогодена со епидемијата на коронавирусот, во периодот од 18. март до 20. април забележано е големо зголемување на бројот на деца заболени, се претпоставува, од многу реткиот Кавасаки синдром. Тимот на истражувачи наведува дека повеќе од 80 проценти од децата кои се примени во болница на тоа подрачје со знаци на Кавасаки болеста биле позитивни на антитела на коронавирусот.
ЗА КАКВА БОЛЕСТ СТАНУВА ЗБОР?
Оваа болест (синдром) предизвикува воспаление на средно големите и мали артерии. Воспалението влијае на работата на коронарните артерии кои пренесуваат крв до срцевиот мускул.
Се нарекува уште и мукокутан синдром на лимфните јазли бидејќи ги зафаќа и лимфните јазли, кожата и слузницата на грлото, устата и на носот. Симптомите како висока температура, кожа која се лупи, може да бидат застрашувачки. Болеста првенствено се јавува кај децата
СИМПТОМИ
Обично се јавува во три фази
- ПРВА ФАЗА
- Температура повисока од 39 степени и трае подолго од три дена
- Црвенило на очите
- Осип по телото
- Црвени, испукани усни и црвен и отечен јазик
- Отечени лимфни јазли
ВТОРА ФАЗА
- Лупење на кожата, посебно на прстите
- Болни зглобови
- Пролив
- Повраќање
- Болка во стомакот
ТРЕТА ФАЗА
Во оваа фала на болеста, симптомите полека исчезнуваат, освен ако се развијат компликации. Потребни се и до осум недели лицето целосно да се опорави.
КОГА ДА ПОБАРАТЕ ЛЕКАРСКА ПОМОШ?
Ако детето има температура која трае повеќе од 3 дена, контактирајте педијатар. Ако детето има температура со 4 или повеќе од наведените симптоми, исто така веднаш треба да се консултира лекар.
- Црвенило на двете очи
- Многу црвен и отечен јазик
- Лупење на кожата
- Осип
- Отечени лимфни јазли
Доколку болеста се третира во првите 10 дена од појавата на симптомите, шансите за долготрајни последици значајно се намалуваат.
