Иако носењето маска ќе ја олесни задачата, навиката да се допираат очите, носот, лицето и устата со рацете е толку потсвесна што сите, порано или подоцна, сепак, ќе ги допреме и тоа нема воопшто ни да го забележиме
Животот со коронавирус нè научи на нови навики кои можат да нè спасат од болести. Но, дури и ако носите маска и одржувате дистанца и ги миете рацете, постојат некои вообичаени навики кои можат да уништат сè, а за кои веројатно и не сте ни свесни. „Копањето“ на носот е една од нив.
„КОПАЊЕ“ НА НОСОТ
„Не е некоја новост дека „копањето“ на носот значи и полесен пристап на бактериите во организмот, но можеби не знаете дека со тој чин, со прстот, во носот ги внесувате и бактериите и вирусите кои се наоѓаат на вашите раце, а тоа е токму она што не го сакате“, објаснува Пол Потингер, специјалист за заразни болести од Вашингтон. Носот е идеален начин за влегување на вирусот бидејќи во него се наоѓа тенка и чувствителна кожа на која лесно се формираат рани, особено кога „копате“ во него, а преку нив во организмот може да влезат и за око невидливи честички. Дефинитивно е време е да заборавите на оваа навика.
ГИ ГРИЦКАТЕ НОКТИТЕ
Потребата да ги грицкате ноктите може да се појави поради нервоза, возбуда или досада, но секако е многу лоша идеја во време на коронавирус. Ели Мареј, професорка по епидемиологија на Универзитетот во Бостон, напоменува дека ова е исклучително едноставен начин за внесување на вирусот во организмот.
„Што и да правите, а да помага вирусот да влезе во организмот преку тенки мукозни мембрани на лицето, само го зголемува ризикот од инфекција“, објасни таа.
СПОДЕЛУВАТЕ ЧАШИ, ЧИНИИ…
Прибор за јадење, храна или чинија… се се тоа работи што не треба да ги споделувате со другите, бидејќи се идеален начин за пренесување на вирусот. Студија спроведена од Американскиот центар за контрола и превенција на болести потврди дека споделувањето садови може да ги зголеми шансите да се заразите дури за три пати.
ГО ДОПИРАТЕ ЛИЦЕТО
Еден од првите совети на стручњаците кога започна паднемијата е сè уште тешко да се прифати. Иако носењето маска ќе ја олесни задачата, навиката да се допираат очите, носот, лицето и устата со рацете е толку потсвесна што сите, порано или подоцна, сепак, ќе ги допреме и тоа нема воопшто ни да го забележиме. „Со оглед на бројот на површини што ги допираме во текот на денот, допирањето на лицето со валкани раце значително ќе ги зголеми шансите за пренесување на вирусот во организмот“, вели д-р Вандана А. Пател, додавајќи дека е важно да бидете свесни за навиките на допирање на лицето, тргање на косата од лицето или допирање на мозолчиња, и да се обидете да ги избегнете овие движења по секоја цена.
