Стручњаците за безбедност во сообраќајот ги предупредуваат родителите да ги обезбедат децата додека патуваат со автомобил, нагласувајќи дека лежењето на задно седиште никако не треба да се применува, туку дека децата треба да бидат врзани во безбедносни седишта.
“Безбедносните, детски седишта не се користат само поради можноста да бидете казнети, туку детето да помине полесно или да преживее евентуална сообраќајна несреќа“, апелираат експерите.
Од Републичкиот совет за безбедност во сообраќајот велат дека имајќи ја предвид поразителната статистика кога е во прашање безбедноста на децата-патници во сообраќајот, може да се заклучи дека користењето на детските седишта се наметнува како нужна потреба.
Со други зборови, користењето на детските седишта, од една страна, е задолжителна законска обврска за деца до 5 години, но истовремено претставува и етичка и морална одговорност на секој родител или старател.
Затоа, РСБСП уште еднаш потсетува: Деца помлади од 12 години не смеат да се превезуваат на предното седиште! Освен, во случај кога се превезува дете помало од 2 години во детско седиште таканаречено „јајце“ во кое детето се врти обратно од насоката на возење и под услов да се исклучени воздушните перничиња.
