Бремените жени кои земаат лекови против болки имаат поголеми шанси за компликации, покажа едно истражување. Истражувачите од Aberdeen University открија дека има повисоки стапки на предвремено породување и раѓање на мртво дете кај жени кои земале лекови против болка без рецепт, како што се парацетамол и ибупрофен.
Предвременото породување било приближно 50 отсто поверојатно кај жените кои земале еден од петте вообичаени лекови против болки во одреден момент од нивната бременост.
Мајките кои земале барем еден од петте лекови против болки имале поголеми шанси да претрпат компликации. Ризикот од дефекти на невралната туба – поврзани со мозокот и ‘рбетот – бил за 64 отсто поголем кај мајките кои ги земале лековите, додека хипоспадијата, вроден дефект што го зафаќа пенисот, била 27 отсто поголема. Неонаталната смрт – кога бебето умира во првите четири недели – била 50 отсто поголема, покажале резултатите
Студијата, која опфатила повеќе од 150.000 бремености во текот на три децении, покажала дека ризикот од раѓање на мртво дете е 33 отсто поголем.
До осум од 10 идни мајки земаат лекови против болки за да ги ублажат симптомите на бременоста, како што се треска и болки во зглобовите. Но, постојат спротивставени совети за тоа кои лекови треба да се земат, при што некои се сметаат за безбедни, а други не.
NHS вели дека парацетамолот е „прв избор“ против болки за бремени жени, но предупредува да не се земаат високи дози на аспирин и антиинфламаторни лекови како ибупрофен.
Истражувачите од Универзитетот Абердин тврдат дека нивните наоди сугерираат дека на сегашното упатство му треба „итно“ ажурирање.
За студијата, една од најголемите од ваков вид, биле испитани 151.141 бременост помеѓу 1985 и 2015 година. Тимот ги проучувал медицинските белешки на жените кои земале парацетамол, аспирин, ибупрофен, диклофенак и напроксен.
Парацетамолот, според NHS, во моментов се смета за безбеден за употреба во текот на бременоста.
Но, високите дози на аспирин не се препорачуваат за ублажување на болката бидејќи тоа може да влијае на циркулацијата на бебето, особено по 30 ГН. И другите три лекови не им се препорачуваат на идните мајки бидејќи е познато дека влијаат на циркулацијата и бубрезите кај бебињата.
Наодите, објавени во научното списание „BMJ Open“, покажуваат дека севкупно, три од 10 жени (29 отсто) земале лекови против болка без рецепт за време на бременоста.
Но, оваа бројка била двојно повисока за бременостите помеѓу 2008 и 2015 година, што сугерира дека употребата „рапидно расте“, велат истражувачите.
Мајките кои земале барем еден од петте лекови против болки имале поголеми шанси да претрпат компликации. Ризикот од дефекти на невралната туба – поврзани со мозокот и ‘рбетот – бил за 64 отсто поголем кај мајките кои ги земале лековите, додека хипоспадијата, вроден дефект што го зафаќа пенисот, била 27 отсто поголема. Неонаталната смрт – кога бебето умира во првите четири недели – била 50 отсто поголема, покажале резултатите.
Истражувачите предупредија дека земањето парацетамол во комбинација со други нестероидни антиинфламаторни лекови (NSAIDs) е најризичната мешавина. Тие не посочија зошто лековите предизвикуваат штета на неродените бебиња, истакнувајќи дека механизмот ќе треба да се открие во идните студии.
Аикатерини Зафеири, доктор на науки на Универзитетот и главен автор на студијата, рече дека идните мајки секогаш треба да бараат лекарски совет пред да земат лекови без рецепт.
„Во светлина на наодите од студијата, леснотијата на пристап до лекови против болки без рецепт, во комбинација со достапноста на дезинформации, како и точните информации преку интернет, предизвикува загриженост за безбедноста. Ова е особено кога погрешно или делумно информирани одлуки за самолекување се носат за време на бременоста без лекарски совет.
„Треба да се нагласи дека парацетамолот во комбинација со нестероидни антиинфламаторни лекови (NSAIDs) е поврзан со поголем ризик и бремените жени секогаш треба да се консултираат со својот лекар пред да земат какви било лекови без рецепт“. (Дејли мејл)
