По раѓањето, секое бебе оди на темелен преглед кај стручен болнички персонал за да се утврди неговата целокупна здравствена состојба. По прегледот добива оценка или АПГАР број, а најголемиот е 10.
Набрзо по раѓање на детето, лекар или медицинска сестра на одделот за неонатологија, ќе провери дали вашето дете е добро. Се изведува темелн преглед на новороденчето, познат како “проверка на новороденче“, а обично се проверуваат очите, срцето, колковите и гениталиите на бебето.
ОЧИ
Се проверува изгледот и движењето на очите за да се утврди дали постојат некои видливи потешкотии како катаракта, заматување на проѕирната леќа внатре во окото. Овој преглед не може да каже колку е добар видот на вашето дете.
СРЦЕ
На бебето ќе му се провери пулсот и со стетоскоп ќе се слушне срцето. На тој преглед може да се откријат евентуални шумови на срцето, кога отчукувањата на срцето имаат дополнителен и необичен звук. Тие се чести кај бебињата, но и покрај шумовите, срцето, речиси во сите случаеви е нормално. Приближно кај едно од 200 бебиња има срцеви проблеми кои треба да се лекуваат.
КОЛКОВИ
Кај некои новороденчиња зглобовите на колкот не се правилно формирани. Ако не се лекуваат, може да дојде до проблеми со зглобовите, но само 1 или 2 од 1000 бебиња имаат проблем што треба да се лекува.
ТЕСТИСИ
На машките деца им се проверуваат тестисите, односно дали не се на вистинското место. За време на бременоста, тестисите се формираат во телото на детето. Во скротумот може да се спуштат дури неколку месеци пред раѓањето.
Кај едно од 100 машки бебиња, тестисите се спуштаат само делумно или воопшто не се спуштаат, што е потребно да се лекува за да се спречат можни идни проблеми.
ПРОВЕРКА НА СЛУХОТ НА НОВОРОДЕНЧЕТО
Проверката на слухот на новороденчето се извршува брзо по раѓањето и се прави со цел да што порано се откријат проблеми како што е трајно губење на слухот.
