Експертите често истакнуваат дека на децата им се потребни правила и граници за да растат здраво и среќно, но треба да има мера во поставувањето на овие граници. Психолозите предупредуваат дека и престрогото воспитување не е добро за децата, а еве кои карактеристики се развиваат кај децата кои имаат претерано строги родители.
- Секогаш се подготвени на се
Убаво е да се биде одговорен, но децата кои постојано се принудени од родителите да проверуваат сè двапати, може да ја развијат оваа особина во прекумерна мера и таа да им стане оптоварувачка. Во оваа смисла, кога ќе пораснат, ќе мора да се подготват дури и за едно обично кафе со друштво, а кога станува збор за некои поважни настани, ќе мора се да испланираат однапред и да размислат за сите можни сценарија.
Иако ова однесување може да биде корисно до одреден степен, тоа може да биде и извор на дополнителен и непотребен стрес во некои ситуации.
- Постојано се извинуваат
Оние кои растат со исклучително строги родители стануваат луѓе кои се извинуваат за секој свој збор што ќе го кажат, дури и кога не направиле ништо лошо. Тоа е последица на постојаното критикување на детето, поради што овие деца стануваат луѓе кои се претерано критични кон секој свој збор и потег.
- Не поднесуваат никаква промена на плановите
Детството поминато со строги родители главно значи дека деновите биле исполнети со живот според одредени правила и распореди. Во таквите семејства секој момент е внимателно испланиран, додека детето има многу малку можности за некаква спонтаност. Децата кои пораснале во таква средина не поднесуваат никакви промени или непланирани ситуации како возрасни, а сигурно ги има и во животот.
- Секогаш бараат одобрение од другите
Без разлика дали очекуваат пофалби од шефот за добро завршената работа, партнер кој мора да ја покажува својата љубов секоја секунда или пријатели кои ќе потврдат дека се добри, вредни, децата кои растат со строги родители постојано бараат потврда од другите .
Освен тоа, тие секогаш се обидуваат со своето однесување да им ја докажат својата вредност на другите.
- Перфекционисти се
Строгите родители често бараат од децата да бидат најдобри во сè – во училиште, спорт, хоби… Вака кај децата се развива перфекционизам, кој се пренесува и во возрасниот период, дури и кога никој не им врши притисок да бидат најдобри, сами пред себе поставуваат прекумерни барања. Иако од една страна тоа може да биде пат до одреден успех, од друга страна може да доведе и до исцрпеност и анксиозност.
- Ги кријат своите емоции
Строгите родители често ги замолчуваат децата, ги спречуваат да плачат и да ги покажат своите емоции, што може да доведе до проблеми во изразувањето на емоциите кога ќе пораснат.
- Тешко им е да се грижат за себе
Децата кои растат во строга средина често забораваат на сопствените потреби бидејќи ги сметаат за помалку важни од потребите на другите. Ова може да биде резултат на родителите кои инсистирале на дисциплина и успех, додека занемаруваат да развијат самољубие и грижа за менталното здравје кај своите деца. Поради тоа, дури и во зрелоста, овие деца имаат тенденција да се чувствуваат себични ако си купат нешто за себе, да си угодат на некој начин.
- Постојано се нервозни
Се разбира, секој од нас понекогаш е нервозен, но децата кои пораснале со претерано строги родители се чувствуваат така дури и кога немаат причина. Строгоста во воспитувањето на децата може да доведе и до страв од неуспех и грешки, до фактот дека го анализираат секој свој чекор и никогаш не се сигурни во своите одлуки.
- Имаат прекумерно чувство за одговорност
Секако дека е добро да се развие чувство за одговорност кај децата, но не е добро да се биде екстремен во ништо. Оваа инаку позитивна особина може да стане оптоварена за детето, но и да го направи осамено во зрелоста бидејќи никој не сака луѓе кои сакаат да контролираат сè и секого.
