Труењето со сонце всушност не значи дека буквално сте се отруле. Овој термин често се користи за потешки форми на изгореници од сонце, најчесто оние предизвикани од ултравиолетово (УВ) зрачење кое предизвикува воспаление на кожата.
По само 15 минути престој на сонце, можете да изгорите, но можеби тоа нема да го забележите веднаш. Црвенилото и непријатноста на кожата понекогаш не се појавуваат уште неколку часа.
Доколку сте изложени на сонце подолго време без заштита, може сериозно да изгорите. Поголема е веројатноста да изгорите ако имате светла кожа и светла коса, пренесува WebMD.
Тешките изгореници или труењето со сонце може да ги предизвикаат следните симптоми: црвенило и плускавци на кожата, болка и пецкање, оток на кожата, главоболка, гадење, треска, вртоглавица и дехидрација.
Доколку сте изложени на сонце подолго време без заштита, може сериозно да изгорите
Во случај на тешки изгореници од сонце, можете да ја ублажите непријатноста со овие едноставни трикови:
- Тргнете се од сонцето;
- Освежете се со умерено ладен туш или купка;
- Ставете ладни облоги на изгорените делови од телото;
- Пијте повеќе течности во следните неколку дена;
- Земете ибупрофен или ацетаминофен за ублажување на болката;
- Користете гел од алое вера или хидратантна крема;
- Целосно покријте ги изгорените делови од телото кога излегувате надвор.
