Како што расте детето, неговата желба и потреба за нова храна ќе биде се поголема и поголема. Меѓутоа, поради опасностите, не секој вид на храна е погодна за деца од помала возраст. Намирници кои треба да се избегнуваат:
ОД 12. ДО 24. МЕСЕЦ
Млеко со низок процент на маснотии
На децата на таа возраст им се потребни масти и калории од полномасното млеко за раст и развој. Кога вашето дете ќе наполни две години и ако нема никакви здравствени проблеми, можете да почнете да му давате млеко со помалку маснотии (ако детето е склоно кон обезност, лекарот може да препорача да го зема порано).
Опасности од гушење:
Големи парчиња: Парчиња храна може да се заглават во грлото на детето. Американската академија за педијатрија препорачува храната да се сече на помали парчиња, околу еден сантиметар. На пример, исечете го овошјето како грозје, шери доматите и јагодите на четвртинки пред да ги послужите, изрендајте или ситно исечкајте го месото, зеленчукот.
Суров зеленчук: Морковите, целерот, брокулата и сличен зеленчук треба да се сварат и исечат на помали парчиња.
Јаткасти плодови и семиња: Семките од овошјето како лубеница, праски, сливи и цреши исчистете ги и отстранете. Не го хранете вашето дете со јаткасти плодови и семки од тиква и сончоглед. Тие се мали и можат да останат во душникот, предизвикувајќи задушување или инфекција.
Крцкава и тврда храна: Јаткасти плодови, пуканки, разни ѓевреци, тврди бонбони се опасност од задушување.
Леплива храна: Гума за џвакање и леплива храна, како што се гумени или овошни бонбони, може да се заглават во грлото на детето. Потребно е да се избегнува лепливо и топено сирење кое не е исечено на парчиња.
Путери: Грутка путер од кикирики може да биде тешко да се проголта. Не ги давајте со лажица бидејќи тешко се голтаат. Послужете тенок слој намачкан на леб со вода, јогурт или сок од портокал.
ОД 24. ДО 48. МЕСЕЦ
Иако вашето дете е веќе пораснато и е многу посамостојно, треба се уште да бидете внимателни кога станува збор за големи парчиња храна. Додека детето јаде, треба да биде фокусирано само на храната. Гледање телевизија, одење, лежење или нешто слично на тоа треба да се избегнува за да се намали ризикот.
ОД 4 ДО 5 ГОДИНИ:
Вашето дете може да јаде целосно самостојно, меѓутоа се уште треба да бидете покрај него додека јаде некои видови намирници. Исто така, развивајте навика на детето да се фокусира само на храната додека јаде.
АЛЕРГИИ НА ХРАНА
Кога вашето дете ќе дојде во втората и третата година од животот, не е неопходно постепено да се запознава со нова храна, освен ако не е алергично на храна. Ако детето има алергии, добро е да се направи пауза од неколку дена помеѓу воведувањето на нова храна. Проверете со вашиот лекар кој е најдобриот начин да воведете нови намирници кои може да бидат алергени (јајца, кикирики, соја, школки, јаткасти плодови).
