Сите деца повремено лошо се однесуваат, а поглемиот дел развива привремени проблеми во однесувањето како резултат на стрес. Меѓутоа, лошото однесување на детето може да укажува на сериозен проблем ако неговото однесување е претерано непријателско, агресивно или нарушувачко и ако промената во однесувањето трае подолго од шест месеци.
Уште еден показател дека вашето дете има проблеми во однесувањето е кога неговото однесување не е соодветно за неговата возраст, предупредуваат експертите кои нагласуваат дека разбирањето на детската психологија ќе им помогне на родителите да утврдат дали однесувањето на нивното дете е нормално или не.
Освен тоа, следењето на проблемите со однесувањето на децата ќе им помогне да знаат дали треба да побараат стручна помош или проблемите во однесувањето на нивното дете се само минлива фаза.
Овие шест проблеми во однесувањето родителите никогаш не треба да ги игнорираат:
- Неможност за контролирање на емоциите
- Екстремно невнимание и хиперактивност
- Непочитување
- Прекумерна чувствителност или плачливост
- Чести изливи на бес без објаснива причина
- Изненадно попуштање во училиште
Како што објаснуваат експертите, иако секоја од овие работи е вообичаена за детето во одреден период од неговиот живот, доколку истата зачести или не помине по долго време, родителите треба да реагираат.
