„Додека вирусот циркулира сите вакцинирани мора да носат маски. Вирусот е во околината, важно е и вакцинираните да не го фатат, затоа што ќе најде начин да се размножува во организмот, но антителата многу брзо ќе го неутрализираат и клиничката слика или нема да се развие или ќе биде блага“, вели искусниот српски вирусолог проф. д-р Ана Глигиќ.
Таа вели дека сега е многу важно во што пократок период да се вакцинираат што е можно повеќе луѓе.
„Го поздравувам големиот број вакцини, имаме можност да им кажеме на антиваксерите дека нема никакво чипирање. Би било добро да имаме уште поголемо темпо, што е можно повеќе луѓе да се вакцинираат во најкус можен рок и ова да престане“.
„Бидејќи овој имунитет не е премногу долготраен, доколку вакцинацијата се одолжи до крајот на годината, а имунитетот слабее, ќе имаме лоша состојба. Гледам дека пристигнуваат вакцини, што значи дека организацијата е добра и дека одиме кон сузбивање. Единствено што загрижува се мутантите“, вели Глигиќ.
„Децата имаат имунитет од мајките, имаат имунитет што го стекнуваат преку контактите, а нивниот имунолошки систем е таков што реагира побрзо отколку нашиот, затоа што не е истрошен“, додава д-р Глигиќ
Професорката објаснува дека сега нема време за анализа на антителата, бидејќи тоа е голем потфат што се прави кога ќе помине епидемијата.
„Антителата се појавуваат од четвртиот ден по вакцинирањето, па се до 14-тиот ден, кога се многу мерливи, а својот максимум го достигнуваат од 21-ви до 28-ми ден и се одржуваат на тоа ниво подолго време. Потоа имаме пад и повторно имаат зголемување по ревакцинацијата. Многу е важно да се направи ревакцинација помеѓу 21-ми и 28-ми ден, вториот атак на вакцината значително ќе ги зголеми мерливите антитела“.
На прашањето како да избереме вакцина, Глигиќ вели дека сите вакцини се имуногени и не се токсични и дека нивната безопасност на подолг рок ќе ја знаеме по извесно време.
Кога станува збор за децата, Глигиќ објаснува дека нивниот имунитет е поинаков.
„На моја возраст јас немам таков имунолошки систем, но децата имаат имунитет од мајките, имаат имунитет што го стекнуваат преку контактите, а нивниот имунолошки систем е таков што реагира побрзо отколку нашиот, затоа што не е истрошен“, додава д-р Глигиќ. (Н1)
