Проф. д-р сци. Бојан Полиќ, имунолог: Би било лошо короната и грипот да се преклопат – тоа би значело катастрофа за некои луѓе

Хрватскиот вирусен имунолог проф. д-р сци. Бојан Полиќ и претседател на Европската федерација на имунолошки друштва (ЕФИС), во која има 14.000 научници, во ТВ гостување на ХТВ коментираше за пандемијата на коронавирус, но и за сезоната на грип, што претставува нова опасност со доаѓањето на постудените денови.

„Вакцините се најдоброто достигнување на медицината во последните 100 години. Се покажаа ефикасни против различни болести, некои се искоренети, некои се држат под контрола, а гледаме и дека делуваат во примерот на Ковид, бидејќи спречуваат потешки форми на болести и смрт“

„Грипот донекаде е скриен затоа што се придржувавме до мерките, а е и помалку заразен од коронавирусот. Бидејќи ги олабавивме мерките во повеќето случаи, мислам дека и грипот може да се појави. Би било лошо да се преклопат короната и грипот и да имаме две епидемии во исто време. Тоа може да биде катастрофално за некои луѓе, особено за постарите лица“, рече професорот Полиќ.

Кога станува збор за пандемијата на коронавирус, тој вели дека не се вакцинирани доволно луѓе.

„Вакцините се најдоброто достигнување на медицината во последните 100 години. Се покажаа ефикасни против различни болести, некои се искоренети, некои се држат под контрола, а гледаме и дека делуваат во примерот на Ковид, бидејќи спречуваат потешки форми на болести и смрт“, рече тој.

„Не знам дали се работи за недоверба во системот, науката или погрешна информираност. Ако одиме од западот на Европа кон исток, тој процент драстично опаѓа. Во западноевропските земји стапката на вакцинација е над 70, дури 80 проценти, кај нас е 50 проценти, а во Бугарија уште помалку. Тоа не е добро затоа што со присуството на делта варијантата на коронавирусот, ни се заканува зголемување на бројот на хоспитализирани и починати“, посочува тој. (Јутарњи лист)