Кашлица, треска и отежнато дишење се веќе добро познати симптоми на коронавирус. Меѓутоа, Ендру Чан, професор по имунологија и заразни болести на „Харвард Т.Х. Чан Школа за јавно здравје“, истакнува дека уште еден симптом може да укажува на тоа дека имате Ковид-19.
Многу луѓе велат дека промените на кожата им биле единствениот симптом на Ковид-19.
- Папули и пустули
Ендру Чан, коосновач на апликацијата за симптоми на коронавирус (COVID Symptom Study), чии податоци ги користат истражувачите ширум светот, тврди дека се сретнал со повеќе случаи на промени на кожата (папули, пустули, плускавци, осип) и со воспаление на прсти – т.н. Ковид-прсти.
Тој посочува дека овој симптом треба да се смета клучен при дијагностицирање на болеста.
- Осип и ненадејно чешање (уртикарија)
Иако најчесто исчезнуваат во рок од неколку часа, ненадејната појава на папули е често придружена со интензивно чешање, т.н. уртикарија. Може да зафати кој било дел од телото, а често започнува со силно чешање на дланките и стапалата. Покрај тоа, може да предизвика и отекување на усните и очните капаци.
Многу луѓе велат дека промените на кожата им биле единствениот симптом на Ковид-19
- Жарење и осип сличен на овчи сипаници
Црвени мозолчиња, придружени со чешање, најчесто се појавуваат на лактите и колената или на задниот дел од стапалата и рацете. Овој симптом трае од неколку дена до неколку недели.
- Ковид-прсти
Црвеникавите мозолчиња на прстите на рацете или стапалата можат да бидат болни, но не чешаат. Овој вид на промена на кожата е најчест кај пациентите со Ковид-19. Почеста е кај помладите луѓе, а се појавува и по повлекувањето на болеста.
- Ако имате осип, изолирајте се
„Иако осипите на кожата можеби не се толку чести кај коронавирусот, факт е дека се појавуваат кај заразени лица и може да бидат специфичен симптом на болеста“, рече д-р Чан.
„Многу инфекции предизвикуваат промени во кожата, па затоа не е невообичаено да се видат и кај Ковид-19“, вели дерматологот Вероник Батај од Кралскиот колеџ во Лондон.
Како да се избегне Ковид-19?
Носете маска, доколку се сомневате дека сте заразени – тестирајте се, избегнувајте поголеми собири и дружења, држете дистанца, редовно мијте ги рацете и дезинфицирајте ги површините што често ги допирате, пишува „Eat This“.
