“Денес децата се во катастрофална емоционална состојба и многу работи од нашиот модерен стил на живот доведуваат до тоа. И покрај најдобрите намери, за жал, го менуваме мозокот на нашите деца во погрешна насока“, тврди Викторија Продеј, професор на Медицинскиот факултет во Торонто, Канада.
Таа наведува пет причини зошто тоа се случува: децата добиваат се што сакаат и кога сакаат и не поднесуваат да им се каже НЕ ; имаат многу ограничена социјална интеракција (оти ние родителите имаме многу обврски, па им даваме дигитални уреди за да ги ‘вработиме’ и да се забавуваат), потоа причина е и таа што сме создале вештачки свет на забава за нашите деца во кој не постои здодевност; премногу користат технологија која емоционално ги исклучува и постојано им го даваме она што го сакаат (ако не сакаат зеленчук ќе им подготвиме она што сакаат, само да се најадат).
Може да направите разлика во животот на вашето дете, вежбајќи го неговиот мозок, за детето да може успешно да функционира на социјална, емоционално и академско ниво. Еве како:
Не плашете се да поставите граници
- На детето му се потребни граници за да порасне среќно и здраво!
- Направете временски распоред за оброци, спиење и време за технологија
- Размислувајте за тоа што е добро за нив, а не за тоа што сакаат или не сакаат
- Ќе ви се заблагодарат за тоа подоцна. Родителството е тешка работа. Мора да бидете креативни за да ги натерате да работат што е добро за нив, бидејќи, поголем дел од времето, тоа е комплетна спротивност од она што сакаат да прават.
- На децата им е потребен појадок и квалитетна храна. Треба да поминат време надвор и да легнат да спијат во исто време за следниот ден да дојдат во училиште способни за учење!
Ограничете ја технологијата и емоционално поврзете се со своите деца
- Изненадете ги со цвеќе, насмејте се, оставете им порака полна со љубов на нивниот ранец или под перница, изненадете ги со ручек надвор во работен ден, танцувајте заедно, тепајте се со преници.
- Имајте семејни вечери, вечери со друштвени игри, возете велосипед, шетајте навечер со светилки.
Вежбајте одложување на задоволувањето на нивните потреби
- Оставете ги да чекаат! Во ред е да се има ‘зддодевно ми е“ време – ова е прв чекор до креативност
- Постепено зголемувајте го времето помеѓу ‘треба’ и ‘добие“
- Избегнувајте користење технологија во автомобил и ресторан, а наместо тоа учете ги да чекаат со зборување и играње игри
- Ограничете постојано грицкање
Научете ги вашите деца да работат од мали нозе како тоа да е основа за „способност за работа“ во иднина
- Редење алишта, средување играчки, складирање облека, редење намирници, поставување маса, правење ручек, вадење храна од кутијата за ужина, местење на креветот.
- Бидете креативни. Направете го тоа стимулативно и забавно од самиот почеток, така што нивниот мозок ќе го поврзе со нешто позитивно.
Учете ги на социјални вештини
- Научете ги да ги слушаат другите, да споделуваат, да губат / победуваат, да прават компромиси, да даваат комплименти на други, да кажат „молам“ и „благодарам“.
