Беснеењето на хормоните за време на бременоста како последица имаат чести промени на расположението во секојдневието на една трудница. По само неколку недели ќе ви стане нормално дека нема никаква смисла да се обидувате да се сфатите себе. Се ќе дојде на свое дури кога хормоните ќе одлучат така.
Ова, веднаш по мачнините, е воедно симптом во бременоста кој е на најлош глас. Во еден момент си најсреќната жена на светот, а веќе во следниот солзите сами ти течат. Распонот на емоции кои во неколку минути ќе те преплават ќе биде неброен. Тага, бескрајна љубов, среќа, лутина и јад. Ако сте мислеле дека е невозможно сето ова да се чувствува во краток рок, сигурно не сте биле бремена.
Добра вест е дека околината за брзо време ќе се навикне на наглите промени на расположението, но лоша вест е дека понекогаш ќе ви се чини оти таа ваша емоционална неодлучност трае вечност и повеќе ни сами не можете да се поднесете. Освен што почесто се јавува во првото тромесечие, не е невообичаено да промените на расположението се вратат кога ќе влезете во третото тромесечие.
Причина за промените на расположението се крие во промените на нивоата на естроген и прогестерон со кои телото се соочува во бременоста. Позначајни хормонални промени во телото битно влијаат на тоа како мозокот реагира на сигналите за вашето расположение и како ги регулира реакциите.
Замор? Станува збор за необјаснив замор кој е вобичаена појава, посебно во третото тромесечие. Кога заморот и променливото расположение доаѓаат во комбинација, тешко е нормално да се функционира, но постои начин како да се чувствувате подобро.
Со вежбање може да се регулираат хормоните, да се поттикне метаболизмот, да се отпушти ендорфин кој ќе направи да се чувствувате подобро. Освен тоа, вежбањето ќе го направи ноќното спиење поквалитетно, а кога сте одморени, и промените на расположението ќе бидат поблаго изразени.
Кога ќе почувствувате дека ти доаѓаат негативни емоции, важно е да научиш како веднаш да реагираш. Длабоко дишење, чист воздух или минути поминати сами со себе помагаат. Но, сепак секоја состојба се разликува од трудница до трудница.
