„Фајзер“ и „Бионтек“ во понеделникот поднесоа првичен извештај до Американската администрација за храна и лекови (ФДА) во кој се наведува дека третата доза на вакцината е ефикасна во заштитата и против новите варијанти на коронавирусот.
Третата доза на вакцината предизвикала значително посилен одговор на антитела против оригиналната варијанта на коронавирус, како и против варијантите делта (индиски сој) и бета (јужноафрикански сој), во споредба со одговорот по двете дози. Според првичните истражувања, третата доза е подеднакво ефикасна против оригиналната варијанта како и против мутациите.
„Со оглед на високото ниво на имунолошки одговор што го забележавме, третата доза администрирана шест до 12 месеци по примарната вакцина може да помогне да се одржи високо ниво на заштита од Ковид-19“, се вели во извештајот на компаниите.
„Со оглед на високото ниво на имунолошки одговор што го забележавме, третата доза администрирана шест до 12 месеци по примарната вакцина може да помогне да се одржи високо ниво на заштита од Ковид-19“, се вели во извештајот на компаниите
„Овие податоци сугерираат дека можеме да одржуваме високо ниво на заштита од вирусот и неговите варијанти со трета доза вакцина. Таа може да го намали и преносот на болеста кај луѓето кои се вакцинирани, но и подобро да го контролира ширењето на вирусот воопшто“, вели д-р Угур Сахин, ко-основач на BioNTech.
Податоците се добиени во време кога инфекцијата повторно се шири и кога бројот на хоспитализирани во САД расте, особено кај послабо вакцинираната популација на југот на државата.
Експертите во „Фајзер“ веруваат дека трета доза ќе биде потребна наскоро, но американските здравствени експерти се уште не мислат дека има потреба од тоа, пренесува Си-Ен-Ен.
Минатата недела, ФДА и Американскиот центар за контрола и превенција на болести одобрија и препорачаа трета доза од вакцината за имунокомпромитирани луѓе кои имале слаб имунолошки одговор по првите две дози.
Но, здравствените експерти и власти остануваат фокусирани на поттикнување на невакцинираните граѓани до првата доза на вакцината. Според податоците од понеделник, 50,7% од населението во САД е вакцинирано со две дози.
