“Сладоледот е неминовен дел од летната исхрана, па често е прашањето кога тој може да им се даде и на најмалите. Точни препораки нема, но поради високиот процент на шеќери и температурата на производот, не се советува да му се дава на дете пред да наполни една година, па дури и нешто подоцна“, објаснува нутриционистот Тена Нисетео.
Во првата година, исхраната треба да се темели на природни намирници и да се избегнува индустриска храба, како слатки и грицки.
“Во индустрискиот сладолед се наоѓаат адитиви и шеќери, но за постарите деца ова може да биде квалитетен избор на десерт. Домашен сладолед може на бебето да му се понуди веќе од една година, бидејќи е комбинација на овошје и млеко или јогурт и може да биде добар меѓуоброк“, објаснува нутриционистката.
Според неа, поголемите деца слободно може да консумираат сладолед бидејќи тој може да биде добар млечен оброк. Станува збор за млечен производ, односно десерт со висока хранливост, а нутриционистички секогаш е добро да се збогати со парчиња свежо овошје (малини, праска, јагоди и слично).
