И пред раѓањето на детето, мајките ги интересира се поврзано за бебињата. Не можеме да ви одговориме на сите, но можеме да ви споделиме факти и работи поврзани за првата година на бебето низ бројки. Знаете ли колку сте чекале пред вашето бебе да ви се насмее? Колку пелени сте потрошиле во првата година од животот на детето?
На пример, 267 е бројот на слики кои приближно ќе ги имате во својот мобилен телефон до крајот на првата недела од животот на бебето. До крајот на првата година ќе свртите 715 машини за алишта. Тоа воедно значи дека ќе се наведнете најмалку 1430 пати во првата година само за да ставите и извадите алишта од машина.
Во првиот месец ќе потрошите помеѓу 248 и 320 пелени. Од нив, само во првата недела ќе искористите 84 пелени. Мајките во просек поминуваат 120 часа годишно менувајќи пелени.
Во првите шест месеци, ако само го доите вашето бебе, на доење ќе потрошите 32.400 минути, а околу 75% од новороденчињата во период од една недела со своето сетило го препознаваат мирисот на млекото на мајката од млекото на друга жена.
Во првиот месец од животот, бебето расте до пет сантиметри, а во првите шест месеци добива просечно 3.500 грама и околу првиот роденден вообичаено ја триплира родилната тежина.
Два месеца, односно 60 дена ќе мора да почекате да ја видите насмевката на вашето мало злато. Еднаш кога ќе научат да се смеат, бебињата се смеат просечно 300 пати во текот на денот.
Бебешката насмевка ќе ви го олесни соочувањето до фактот дека до првиот роденден ќе пропуштите барем 50 кафиња со пријателките, забави и други интересни социјални случувања. Сепак, во текот на првата година на бебето ќе заплачете 150 пати, дел поради замор, среќа или хормони.
До моментот додека бебето наполни 12 месеци, најките навечер спијат во просек пет часа и губат три часа сон секоја вечер, а тоа годишно изнесува 1080 часа, односно 45 дена. И за крај, 141 пат ќе забележите дека се однесувате исто како и вашата мајка и тоа во текот на првата година од животот на бебето.
