Најдобро време да почнете да ги учите децата на основни мерки за прва помош е што е можно порано. Учењето и евентуалното изведување на овие мерки може да биде интересно за децата – воведувањето на оваа тема во најраната возраст ќе им помогне на децата да го разберат и ефективно да го применат знаењето за прва помош.
Како родители, нормално е понекогаш да размислуваме и да зборуваме за најлошите можни сценарија кога децата се на училиште или некаде надвор. Иако се трудиме да ги заштитиме, децата, сепак, се изложени на ризици и опасности во секојдневниот живот.
Исеченици и гребаници се чести повреди кај децата, било дома, на училиште или надвор на игралиштата. Знаењето како да се третираат и да се запре крвавењето е клучно за безбедноста
Голем дел од овие повреди (падови, изгореници, давења и труења) се случуваат дома, во училиштата или за време на слободните активности.
Нема секогаш да бидеме во близина кога нашите деца ќе се повредат. Дури и кога се трудиме да ги избегнеме грешките и правиме се како што треба, несреќите, сепак, се случуваат. Затоа, учењето за безбедност треба да започне што е можно порано, особено дома.
Постојат многу аспекти на безбедност на кои можете да ги научите вашите деца, кои ќе ги направат свесни за опасностите и ќе им помогнат безбедно да се справат со повредите. Еве неколку основни животни вештини на кои можете да ги подучите вашите деца дома, а кои можат значително да влијаат врз нивната безбедност и подготвеност за прва помош.
- Кога и како да се повика брза помош
„Имате итен случај? Повикајте 194!“
Кога децата ќе научат да ги препознаваат броевите, треба да ги научите како и кога да упатат итен повик. Ова треба да биде на врвот на листата од сите вештини за прва помош на кои можете да го подучите вашето дете. Научете ги дека ако се најдат во опасност, сериозно се повредат или видат некој кој е повреден, треба веднаш да се јават на 194, бројот на брза помош.
Научете ги како да:
- направат SOS повик со притискање на број на телефонот,
- го отклучат паметниот телефон,
- препознаат каде да стиснат за да воспостават повик,
- ја запомнат домашната адреса.
Нема секогаш да бидеме во близина кога нашите деца ќе се повредат. Дури и кога се трудиме да ги избегнеме грешките и правиме се како што треба, несреќите, сепак, се случуваат. Затоа, учењето за безбедност треба да започне што е можно порано, особено дома
- Како да се запре крвавење
Исеченици и гребаници се чести повреди кај децата, било дома, на училиште или надвор на игралиштата. Знаењето како да се третираат и да се запре крвавењето е клучно за безбедноста.
Научете ги вашите деца дека ако некогаш се исечат или видат некој што крвави, можат да помогнат.
Чекори за запирање на крвавењето:
- Притиснете на повреденото место со превиткано парче ткаенина користејќи ја основата на дланката. Ако нема достапна ткаенина или завој, може да се користат и голи раце.
- Ако крвта продолжи да тече, додадете уште еден слој ткаенина или завој.
- Ако има обилно крвавење или голема рана, веднаш повикајте 194.
- Како да се третира изгореница
Љубопитните раце често водат до неочекувани незгоди, а кога ќе дојде до изгореница, дали вашето дете знае како да реагира соодветно? Научете го детето како да третира изгореница доколку некогаш ја допре рерната, ринглата, пеглата, фигарото или која било друга загреана површина.
Научете ги децата дека ако се најдат во опасност, сериозно се повредат или видат некој кој е повреден, треба веднаш да се јават на 194, бројот на брза помош
Научете ги како да третираат изгореницата:
- Исплакнете го изгореното место под ладна, чиста вода.
- Исчистете ја видливата рана, намачкајте ја со алое вера или друга маст за изгореници.
- Покријте ја со ладна, мокра крпа и побарајте помош од возрасен.
- Како да се третира крвавење од нос
Крвавењето од нос е честа појава во сите возрасни групи, особено кај помалите деца. Повеќето носни крвавења престануваат со едноставни интервенции, а учењето на децата како да ги сопрат е корисна вештина што може да им помогне ако се најдат во таква ситуација без надзор на возрасен.
Чекори за запирање на крвавење од нос:
- Седнете во благо наведната положба нанапред.
- Стиснете го мекиот дел на носот, веднаш над ноздрите (не на носната коска), цврсто за да го запрете крвавењето.
- Ако крвавењето не престане по 15 минути, јавете се на 194.
- Како да се изведе CPR (кардиопулмонална реанимација)
Едноставната мерка на учење на вашите деца како да изведуваат CPR може да спаси животи.
Европскиот совет за реанимација сугерира дека „оптималната возраст за започнување со учење на компресии на градниот кош е околу 12 години.“
Иако помалите деца под 12 години можеби немаат доволно физичка сила за да изведуваат компресии и реанимација, сепак е корисно да ги научите кои чекори треба да ги преземат во итна ситуација. Ова вклучува препознавање на знаците на различни итни состојби, како што се срцев удар и срцев застој, и како да се активираат итните служби.
Како да се изведе CPR:
- Прво, проверете дали има пулс и дишење. Ако нема пулс или знаци на дишење, започнете со CPR.
- Изведете 30 компресии на градите.
- Изведете две вештачки вдишувања.
- Повторувајте го циклусот додека не пристигне итната помош.
Запомнете да останете мирни и опуштени кога ги учите децата на овие вештини за прва помош, бидејќи тоа ќе им помогне полесно да ги усвојат и запамтат таквите вештини во итни ситуации. Користењето на секојдневни ситуации и вклучувањето на практична обука е најдобриот начин за нив да научат.
Оспособувањето на децата со вештини за прва помош е еден од најдобрите начини да ги заштитите и да ги спремите во случај на потреба.
