Првата трансплантација на матка во Велика Британија претставува огромен пробив за илјадници Британки кои инаку не би можеле да родат.
40-годишната донорка, која веќе има две деца, несебичниот подарок и го подари на својата помлада сестра која сака да основа семејство со нејзиниот сопруг, но поради здравствена состојба е родена без матка.
Трансплантацијата се случила во февруари во болницата Черчил, но поминала во тајност, делумно затоа што примателот, кој живее во Англија, сака да остане анонимен и делумно затоа што тимот, кој вклучува персонал од пет различни болници, сакал време да се осигура дека операцијата била успешна
Во сложената операција за отстранување на матката од донорот и трансплантација кај нејзината сестра која траела 17 часа биле вклучени два тима и осум хирурзи кои работеле во соседни операциони сали.
Иако операцијата траела подолго од планираното, таа поминала добро и трансплантираната матка е „целосно функционална“, рекоа вклучените хирурзи.
34-годишната девојка на која и е пресадена матката е „на седмо небо“ и е „многу, многу возбудена“ од можноста да основа семејство, а на своите лекари им кажала: „Сакам да имам онолку деца колку што можам“.
Примателката е родена без матка, но има јајници и произведува свои јајце-клетки кои претходно биле собрани и оплодени со помош на ИВФ. Сега се надева дека ќе и биде имплантиран еден од нејзините пет ембриони кои биле замрзнати оваа есен во лондонска клиника за плодност.
Еден од хирурзите кои ја водеа трансплантацијата изјави за Дејли мејл дека има „над 80 отсто“ шанси за успешна бременост.
Секое добиено бебе би било породено со царски рез во 37-та недела за да се намали оптоварувањето на донираната матка, а мајката потоа би имала избор да ја задржи матката уште една бременост или да ја отстрани.
Иако операцијата траела подолго од планираното, таа поминала добро и трансплантираната матка е „целосно функционална“, потврдија хирурзите
Професорот Ричард Смит, консултант гинеколошки хирург во „Imperial College Healthcare NHS Trust“, кој беше еден од двајцата водечки хирурзи на револуционерната операција, рече дека имало емотивни сцени кога медицинскиот тим се сретнал со жената и нејзиното семејство набргу откако таа била отпуштена од болница десет дена по операцијата за трансплантација.
Нејзината сестра си заминала дома пет дена порано.
„Сите бевме во солзи“, рече тој.
„Беше емотивно за целиот медицински персонал и за неа и за целото нејзино семејство – тоа беше многу голема работа за сите нас.“
Докторот вели дека има многу добри шанси за здрава бременост.
Трансплантацијата се случила во февруари во болницата Черчил, дел од „Oxford University Hospitals NHS Trust“, но поминала во тајност, делумно затоа што примателот, кој живее во Англија, сака да остане анонимен и делумно затоа што тимот, кој вклучува персонал од пет различни болници, сакал време да се осигура дека операцијата била успешна.
Трансплантацијата сега стана јавна бидејќи деталите беа објавени во медицинското списание „BJOG: An International Journal of Obstetrics and Gynecology.“
Револуционерната трансплантација потенцијално би можела да им користи на илјадници жени во Велика Британија. Една од 5 000 жени се раѓа без одржлива матка поради состојби како што е синдромот Мајер-Рокитански-Кустер-Хаузер (MRKH), како што го има и примателот на оваа трансплантација, состојба на репродуктивниот систем што влијае на жените што значи дека се родени без матка.
Многу други жени мора да ги отстранат своите матки поради состојби како ендометриоза или рак.
Примателката е родена без матка, но има јајници и произведува свои јајце-клетки кои претходно биле собрани и оплодени со помош на ИВФ. Сега се надева дека ќе и биде имплантиран еден од нејзините пет ембриони кои биле замрзнати оваа есен во лондонска клиника за плодност. Еден од хирурзите кои ја водеа трансплантацијата изјави за Дејли мејл дека има „над 80 отсто“ шанси за успешна бременост
Една од 5 000 жени се раѓа без одржлива матка поради состојби како што е синдромот Мајер-Рокитански-Кустер-Хаузер (MRKH), како што го има и примателот на оваа трансплантација, состојба на репродуктивниот систем што влијае на жените што значи дека се родени без матка
Досега, жените без матка кои сакаат да имаат семејство се соочуваа со потреба од сурогат мајка или патување во странство за операција за трансплантација на матка, иако тоа реално не беше остварлива опција.
Првата трансплантација на матка беше извршена во Саудиска Арабија во 2000 година, но поради компликации матката мораше да биде отстранета по три месеци.
Во септември 2014 година, Швеѓанката Малин Стенберг стана првата личност во светот која се породи по извршена трансплантација на матка, откако 61-годишна семејна пријателка и ја донираше матката.
Оттогаш, ширум светот се извршени околу 100 трансплантации на жени од други земји, што резултира со раѓање на околу 50 здрави бебиња. (Дејли мејл)
