Зимата пристигна, снегот паѓа на повисоките, а во секој момент го очекуваме и на пониските места, но ладното време не би требало да ве спречува да поминете малку време во прошетка со вашето бебе. Престојот на свеж воздух, секако надвор од загадените градови, е од корист и за бебињата и за мајките, но сепак, има некои работи на кои треба да обрнете внимание.
Освен ако температурата не е екстремно ниска, под нулата, престојот на отворено им помага на доенчињата да се прилагодат на годишните времиња и на циклусот ден-ноќ и често ја смирува нервозата, велат педијатрите.
Ако надвор не е како на Северниот пол, облечете го вашето бебе во зимска јакна, капа што му ги покрива ушите, ракавици и ќебе за количка. Проверувајте го бебето. Ако лицето му поцрвени, кожата му е топла и е нервозно, веројатно е прегреано. Ако е нервозно и со насолзени очи, а неговата кожа е ладна на допир, доенчето веројатно не е доволно добро завиткано
Кога температурата ќе падне под нулата, не би требало да го вадите надвор вашето бебе, освен за брзи претрчувања до автомобилот. Но, и кога температурата е над нулата, треба повторно да бидете внимателни бидејќи студениот ветер може да биде штетен за новороденчето. Имено, доенчињата сè уште немаат способност да ја регулираат својата телесна температура, па изложеноста на студени елементи, како што е посилен ветер, сведете го на неколку минути, а играњето во снегот оставете го додека детето не потпорасне малку.
Доенчињата ја губат топлината побрзо од возрасните, а колку се помлади толку потешко се справуваат со настинката. Малото бебе ја нема потребната телесна маса за да се загрее откако неговото тело ќе се олади.
Како на детето да му биде топло и да ужива во прошетката? Облечете го вашето бебе во слоеви. Облекувањето на вашето дете во слоеви ви овозможува да се прилагодите на неговите потреби. Долниот слој може да биде до телото, како хулахопки и боди. Потоа можете да ставите уште еден слој панталони и маица со долги ракави. На крај, облечете јакна, капа, ракавици и топли волнени чорапи за да ги задржите рацете и нозете топли.
Погрижете се да ја соблечете јакната на бебето во автомобилот. Зошто? Ако детето носи јакна, мора да ги олабавите безбедносните појаси за да го сместите детето, што влијае на безбедноста на бебето. Алтернативно, можете да користите ќебе, а потоа да го извадите откако автомобилот ќе се загрее, за детето да не се прегрее. Можете исто така да го загреете автомобилот претходно за да му биде удобно на бебето.
Доенчињата ја губат топлината побрзо од возрасните, а колку се помлади толку потешко се справуваат со настинката. Малото бебе ја нема потребната телесна маса за да се загрее откако неговото тело ќе се олади
Ако надвор не е како на Северниот пол, облечете го вашето бебе во зимска јакна, капа што му ги покрива ушите, ракавици и ќебе за количка. Проверувајте го бебето. Ако лицето му поцрвени, кожата му е топла и е нервозно, веројатно е прегреано. Ако е нервозно и со насолзени очи, а неговата кожа е ладна на допир, доенчето веројатно не е доволно добро завиткано.
Внимавајте на знаците за предупредување. Ако вашето бебе почне да се тресе или неговите екстремитети – рацете, стапалата и лицето – се ладни и црвени или се бледи и тврди, веднаш внесете го бебето во затворен простор.
Ако образите и рацете на вашето бебе се многу ладни, не го тријте ладното место за да го загреете, бидејќи тоа може дополнително да ја оштети кожата. Наместо тоа, нежно загрејте ја кожата со топли крпи, а потоа облечете топла и сува облека. Ако состојбата не се подобри во рок од неколку минути, јавете се кај вашиот лекар. Други знаци дека вашето дете настинало и дека му е потребна медицинска помош се летаргија, нереагирање и сини усни или лице.
