Со првите кашички за бебе, според Насоките за здрава исхрана на децата на УНИЦЕФ и препораките на Светската здравствена организација, поради чувствителноста и незрелоста на дигестивниот тракт на бебето, најдобро е да се започне од шест месеци, бидејќи на таа возраст енергетската вредност на хранливите материи во мајчиното или адаптирано млеко повеќе не е доволна. Во овој период, детето станува физички поактивно, неговата моторика брзо напредува и мускулите се зајакнуваат, па затоа се зголемува и потребата на детето за енергија. Тогаш започнува новата авантура на родителите и бебето – запознавање со првата лажица.
Први кашички – кога да започнете со дохрана?
Бебињата кои почнуваат со дохрана пред шестиот месец може да ги пропуштат клучните нутритивни вредности што би ги добиле исклучиво преку мајчиното млеко или формулата. „Од друга страна, запознавањето на бебето со дохрана предоцна, е поврзано со недостаток на микронутриенти, алергии и полоша исхрана подоцна во животот“, објаснува Клои М. Барера од Центарот за контрола и превенција на болести.
Но, со дохрана никако не треба да се започнува пред 4-месечна возраст, бидејќи детето сè уште не може да вари ништо друго освен мајчиното млеко или млечната формула. Според Американската академија за педијатрија, дохарана не се препорачува се додека детето не може да седи во седалка и самостојно да ја држи главата. Само кога ќе може да го направи тоа и кога ќе почне да покажува интерес за храната што вие ја јадете, можете да започнете со дохрана.
Домашни кашички за бебе – табела на дохрана
“На 6 месечна возраст најчесто се почнува со овошје и житарки. Во овој период детето учи да јаде кашички. До 8 месеци се препорачуваат кашички со помазна текстура, не премногу густи и со благ вкус, се препорачуваат, а на 9 месеци детето веќе може да се учи на погруби текстури и храна за прсти (парчиња храна што ги јаде самостојно). Најдобро е да се дава сезонска храна и од контролирано производство“, вели нутриционистот Тена Нисетео.
На шест месеци бебето може да јаде кајсии, праски, цреши и сливи, од зеленчук моркови, спанаќ, блитва, тиквички, компири, а од житарки пченица, јачмен, овес и ‘рж.
Од 7 до 9 месеци од овошје понудете капини, јагоди, боровинки, малини, лубеница, а боранија, брокула, тиква, грашок, аспарагус, карфиол и модар патлиџан како зеленчук. Од 9 до 12 месеци на ред се диња, смокви, киви, портокал и грозје. Зеленчукот вклучува зелка, кељ, праз, цвекло, краставици и домати.
Витамински појадок – кашичка за бебе од 6 месеци
Овој оброк содржи висок процент на витамин А, богат е со калиум и богат е со диетални влакна. Идеална кашичка за почеток на дохрана, за развој на видот и имунитетот. За оваа здрава кашичка ви требаат:
- 1 кајсија
- 1 млад морков
Во вода сварете ги кајсијата и морковот. Кајсијата и морковот се ставаат во блендер или во сад и се мешаат со рачен миксер до саканата текстура.
Зелена кашичка од грашок – кашичка за бебе од 6 месеци
Грашокот е мал, но моќен извор на витамини А и Ц, железо, протеини и калциум. Ако кората на грашокот ја прави текстурата помалку привлечна за бебето, обидете се да го процедите што е можно подобро. За оваа здрава зелена каша ви требаат:
- 3 чаши грашок
- 2 лажици вода или мајчино млеко
Ако користите замрзнат грашок, варете го на пареа две минути. Во блендер или во сад се ставаат грашокот и водата и се мешаат со рачен миксер до саканата текстура. Доколку е потребно, додајте повеќе вода, бидејќи со грашок е малку потешко да се постигне саканата мазност поради текстурата на обвивката.
Оброк од сладок компир – кашичка за бебе од 6 месеци
Слаткиот компир има многу здравствени придобивки, па дури и возрасните ги сакаат. Полн е со витамини, антиоксиданти и влакна, па дури и бебето може да има корист од овој вкусен оброк. Едноставната каша со доза вода или млеко ја прави вкусна и хранлива прва храна.
- 2 средни слатки компири се се што ви треба
Загрејте ја рерната на 200 степени. Измијте ги компирите и прободете ги неколку пати со вилушка. Печете околу 45 минути додека не станат меки. Потоа извадете ги и пресечете ги на половина и ставете ги во блендер и мешајте додека не стане мазна смеса.
Подготовката трае само две минути. Истото можете да го направите и со обични компири, само имајте на ум дека треба да ги печете уште малку. Не ги замрзнувајте овие кашички!
Авокадо и банана – кашичка за бебе од 6 месеци
Поврзете две прекрасни намирници: авокадо полно со добри масти и влакна со банана полна со калиум и витамин Ц. Бананата, исто така, додава малку природна сладост на кашичката
- 2 зрели авокада
- 2 зрели банани
- 2 лажици сок од лимон или ананас (што ќе спречи да потемни кашата)
Исечете го авокадото на половина, извадете ја семката и издлабете го со лажица. Излупете ги бананите. Ставете ги сите состојки во сад со средна големина, сечкалка или блендер и измешајте додека не се изедначи. Распоредете ја кашата и истурете ја во посебни садови за складирање храна. Можете да ја чувате во фрижидер до четири дена. Можете да додадете и јогурт, грашок или дури и спанаќ.
Рибја кашичка – оброк за бебе од 7 месеци
Каша која е вкусна комбинација за стимулирање на мозокот. Белата риба содржи омега-3 масни киселини кои помагаат во развојот на централниот нервен систем на бебето. Празот е добар за кардиоваскуларна поддршка, а морковот е антиоксидант.
- 400 грама филе од бела риба
- 3 моркови, излупени
- 1 праз
- половина чаша вода, мајчино млеко или формула
Во средно тенџере ставете околу 50 милилитри вода да зоврие на умерен оган. Рибата, морковот и празот гответе ги на пареа 15 минути, поклопени. Оставете малку да се олади.
Риба со зеленчук – каша за бебиња од 7 месеци
- 1 голем сладок компир
- 7-8 цветови од карфиол
- бела или сина риба по избпр
- половина лажичка маслиново масло
Гответе ги слаткиот компир и карфиолот додека не омекнат, а потоа додадете маслиново масло. Гответе ја рибата посебно. Зеленчукот може да се пасира, а рибата треба да се иситни со вилушка.
