Секако дека ништо не е исто како кај друго породување. Секако дека не можеме да знаеме како ќе изгледа нашето породување само слушајќи и читајќи туѓи приказни. Секој од нас е посебна личност и организам каков што нема друг, а тука се и многу надворешни фактори. Кога сето тоа ќе се земе предвид, јасно е дека не можеме однапред да знаеме како ќе изгледа нашето породување. Можеме да замислуваме, на пример, а кога се подготвуваме за второто породување, можеме да размислуваме колку ќе биде поинакво од првото.
И сепак, ни тогаш не можеме да знаеме со сигурност. Но можеме да насетиме некои работи што речиси секогаш се правило кај вторите породувања. Од различни причини, некои работи им се заеднички на „вторите породувања“ и на ист начин ги разликуваат од „првите“. Еве кои се тие работи:
- Второто породување е пократко
Додека првото породување трае просечно околу 18 часа, второто породување обично е пократко – просечно околу осум часа. Се разбира, кај секоја жена е различно, но кај повеќето жените второто породување е пократко. Во текот на првата бременост и породување, твоите лигаменти се опуштиле и истегнале, па бебето полесно ќе помине.
- Трудовите болки доаѓаат многу побрзо
Мускулите и лигаментите во карлицата и вагината веќе еднаш создавале простор за бебето и го туркале надвор, така што вториот пат сѐ оди побрзо. И тоа не е исто кај сите жени, но просечно, изгонот при првото породување трае од 20 минути до 3 часа, додека при второто е околу еден час (понекогаш и помалку). Првиот пат веројатно ти било тешко и не знаеше како правилно да тискаш, но сега имаш искуство и точно знаеш што треба да правиш.
- Втората бременост просечно трае пократко
Бременоста трае 40 недели. Почетокот на бременоста се смета од првиот ден на последната менструација. Првата бременост просечно трае 41 недела и 3 дена (10 дена повеќе). Втората бременост просечно трае 40 недели и 3 дена — една недела помалку. Твоето тело веќе поминало низ бременост и хормоните делуваат побрзо.
- Грчевите по породувањето се помали
Природно е да ја чувствуваш матката во првите три до пет дена откако бебето ќе почне да дои. Кога детето цица, телото ослободува окситоцин – хормон кој не само што помага да се заљубиш во бебето, туку и ја поттикнува матката да се собира и враќа на големината пред бременоста. Овие грчеви се слични на менструалните.
- Поголема самодоверба при породувањето и мајчинството
Иако второто породување ќе биде различно од првото, овој пат ќе бидеш упатена во целиот процес и ќе знаеш што да очекуваш. Ќе му веруваш на сопственото тело и ќе бидеш свесна за тоа што следува на крај — најслатката награда. Веќе си мајка со повеќе самодоверба. Многу мајки велат дека многу повеќе уживаат во втората бременост и мајчинство, затоа што помалку се грижат и повеќе си веруваат себеси.
