Родителите играат клучна улога во обликувањето на емоционалната благосостојба на нивните деца. Но, понекогаш, ненамерните постапки или однесувања можат негативно да влијаат на нивното ментално здравје и да придонесат за развој на стрес кај децата. Психологот д-р Џезмин Мекој предупредува на три такви однесувања.
- Недостаток на рутина
„Рутините им помагаат на децата да се чувствуваат безбедно бидејќи внесуваат предвидливост и ред во хаотичниот и зафатен свет“, истакнува психологот. Таа додава дека најдобрите рутини се доследните, предвидливите и едноставните.
Според неа, најважните рутини вклучуваат спиење, хранење и време пред екран.
- Неподготвеност за промена
„Знам дека животот може да биде со многу забрзано темпо и не можеме секогаш да ги подготвиме децата за промени, но секогаш кога е можно, ментално подгответе ги вашите деца за она што доаѓа. Главните животни промени за кои треба да ги подготвите децата се: развод или разделба, нов брат или сестра, одмор или патување, преселување, ново училиште или учител и учење на нова вештина (на пр. самостојно одење во тоалет)“, напоменува психологот.
- Необјаснување на смртта и умирањето
Д-р Мекој објаснува: „Смртта е присутна насекаде околу нас (на пр. расипано овошје, угинати животни), но децата можат да се чувствуваат под стрес ако не го разбираат или немаат со кого да разговараат за тоа. Кога разговарате со децата за смртта, користете едноставен и конкретен јазик На пример: “Баба умре. Нејзиното тело веќе не работи. Тоа значи дека не можеме повеќе да ја гледаме или да разговараме со неа”, заклучува психологот.
