Видео-игрите на телефон или на компјутер ги сакаат многумина од нас, а ги сакаат и децата. Со играње се започнува се порано, а на некои деца тоа им е главна забава веќе на четири години. Загрижува податокот и дека и не така мал број на деца се хоспитализираат поради видео-игри, и во најголем број на случаи станува збор за момчиња.
Со оглед дека летниот распуст се уште трае и децата немаат обврски, се повеќе се користат мобилните телефони како забава. Детскиот психолог Николина Милосављевиќ открива пет совети како да го мотивирате детето да го остави телефонот и видео игрите и да се насочи на друга активност.
- Помирете се со фактот дека вашето дете и сите деца во неговата околина често користат мобилни телефони и играње игрици како форма на забава. Колку порано сите ќе се помириме со тоа, толку полесно ќе биде за нас.
- Доколку имате дете помало од 10 години, обидете се да не му дозволувате самостојно да пребарува на интернет, без ваш надзор и настојувајте да не му давате да игра игри. Ако му дозволите, поголема е веројатноста дека ќе развие зависност од интернет и игри.
- Ако одлучите на детето да му купите мобилен телефон или некоја платформа за играње игри, пред да почне со користење на тие привилегии, многу е важно да ги дефинирате правилата на користење, како и однапред да дефинирате кои се последиците доколку ен се почитуваат правилата.
- Инсистирајте на тоа да детето може да игра игри и да користи интернет на телефонот, само тогаш кога ќе ги исполни сите обврски во текот на денот. Ако ги прекрши правилата, бидете сталожени и доследно спроведете ги последиците.
- Ако сакате вашето дете да прекине со играњето игри на телефон, обидете се да бидете отсечни и груби, туку едноставно нежно пријдете му, допрете го и прашајте го љубопитно што прави и каква е таа игра. Запознајте се со што моментално се забавува, па дури тогаш побарајте од него да го остави телефонот. Во тој случај, помалку ќе негодува.
