Интернетот е преполн со практични совети за родителство. Но, детските психолози издвојуваат малку поинаков совет за кој сметаат дека треба да биде основа за секој родител.
„Кога би требала на родителите да им дадам еден совет, би им рекла да поработат на прифаќање и славење на своето дете токму онакво какво што е, а не онакво какво што вие би сакале да биде. Не како што очекувате да биде, не онакво какво би сакале да биде, туку такво какво што е“, вели детскиот психолог Ерика Вансен.
Важно е да се запамети дека детето е личност сама за себе, која ќе развие сопствени интереси кои може значително да се разликуваат од вашите. Најважно е сепак тие се здрави, среќни и на крајот добри луѓе, зарем не?
Понекогаш е тешко да се повлече линија помеѓу дозволувањето на детето да биде она што е и штетното однесување. Можете да пробате еден од овие стручни совети:
1. Пофалете го детето кога тоа ќе го заслужи
Тоа не значи да го пофалите кога ќе изврши некоја домашна обврска, туку, на пример, кога ќе нацрта нешто убаво или ќе совлада некоја нова вештина.
2. Научете ги како да се соочат со проблем
Вашето дете најверојатно ќе наиде на различни притисоци додека расте и важно е да знае како да се справи со нив. Исто така, важно е да знае дека секогаш може да ви се обрати за помош.
3. Кога нешто ќе згрешат, не дозволувајте да поминат без казна
Важно е да научат дека штетното однесување има штетни последици и за нив. Тие мора да научат да преземаат одговорност за своите постапки и да разберат дека нивното однесување влијае на чувствата на другите луѓе.
