Браќа и сестри од исто семејство, кои на пр. доживеале слични трауми, понекогаш поинаку се справуваат со ситуацијата. Зошто е тоа така, објаснува психологот Џуди Ли.
„Ако сте пораснале во небезбедни услови и имате брат или сестра, сигурно сте забележале дека едниот од вас е многу почувствителен од другиот… Кога зборувам за чувствителност, не мислам само на емоции, туку и на тоа колку човекот е чувствителен на звуци, храна, алергии или ткаенина на облеката или воопшто на околината. Секогаш, се чини, има брат или сестра кои работат многу добро, и некој кој не го прави тоа толку добро“, вели психологот.
По своите постдипломски студии, д-р Ли вели дека постои поим којшто ги опишува таквите луѓе. Некој кој е многу издржлив, отпорен, а расте во насилно домаќинство, се нарекува „дете глуварче“.
„Зошто? Бидејќи тоа може да вирее во секоја средина… Но, спротивно на тоа е „детето орхидеја“. Таквите деца, пак, се многу чувствителни на нивната околина, па всушност може и да „овенат“ во лоша средина, или пак, да напредуваат и добро да поминат во позитивна средина. Се разбира, на прв поглед, „детето глуварче“ изгледа „подобро“ од другото. Но, занимливо, доказите посочуваат дека ако „децата орхидеи“ бидат оттргнати од штетната средина и израснати во услови „на грижа“, тие всушност може и да ги надминат „децата глуварчиња“, вели таа.
Џуди себеси се нарекува „орхидеја“ и заклучува оти поуката од нејзината приказна е дека тоа се деца за кои е двојно поважно да се најде „прекрасна“ заедница во којашто ќе растат и ќе се развиваат.
