Започнува сезоната на семејни дружења и прослави, кога се гледаме и до подалечни роднини. А тоа скоро секогаш вклучува и по некоја не толку омилена тетка која ќе чека со вечното „Како се вели?“ додека вашето дете не каже „Благодарам“ кога ќе му даде чоколадо.
Сите сакаме да одгледаме добро воспитани деца, но не секое дете е исто. Пред подготовките за гледање со тетка Славица (или кој било друг), веројатно сте во искушение да го потсетите вашето дете да каже „те молам“ или „благодарам“ во секој момент. Но, едукаторот и психолог Бек Гудман вели дека ова можеби не е најефективниот метод.
„Ако се подготвувате да сретнете со поширокото семејство кое има големи очекувања, престанете да ги потсетувате вашите деца да кажат „те молам“ и „благодарам“, вели Гудман.
„Кога тоа го изговараат природно, без принуда или општествено врамување, прославете го тоа. „Тоа беше одлично. Ти благодарам и на тебе што ми се заблагодари. Тоа ме прави да се чувствувам навистина ценето“, објасни Гудман. И знаете што, кога ќе почнете да правите голема работа околу тоа кога че се заблагодарат, а престанете да ги карате кога не го прават тоа, ќе видите и сами, тие почесто ќе кажуваат „те молам“ и „благодарам“, вели таа.
Постои разлика помеѓу потсетувањето на вашето дете да направи нешто и охрабрувањето, а Гудман ги советува родителите да го поттикнуваат доброто однесување на своите деца со пофалби.
