Колку и да се трудите да воспитате искрено дете, неминовно е тоа во одреден момент да се обиде да сокрие нешто, па дури и да не излаже. Еден од најпознатите психолози на денешницата, Михаил Лабовски, се обидел на сопствен пример да објасни зошто воопшто децата лажат.
„Отсекогаш ја контролирав ќерка ми. Кога имаше 14 години, ми рече дека ќе преноќи кај нејзината пријателка Ана. Ме праша: „Нема сигурно да им се јавиш на нејзините родители и да ги разбудиш да ме провериш? Ти не си таков човек, нели? Секако, не се јавив на никого. Поминаа години, ќерка ми порасна и неодамна се сетивме на таа ситуација. Ми призна дека не била кај Ана,туку во ноќен клуб.Никогаш не се сомневав во неа, мислев дека знам сè. Но, да му дадов на своето дете да избира и да донесува одлуки, таа би ми кажала дека сака да оди во ноќен клуб, а јас би ѝ рекол не“, се сеќава тој.
Со други зборови, Лабовски вели дека потребата за лажење и криење се јавува поради страв.
„Детето кое не се плаши од своите родители и последиците од своето однесување, бидејќи имаможност само да процени и да донесува одлуки, нема да лаже. Малите деца не лажат, тоа почнува со возраста затоа што се присилени и се плашат од последиците“, порачува тој.
