Пушењето за време на бременоста е еден од најзначајните ризик фактори за лоши исходи на бременоста. Во САД, 10,7 проценти од жените пушат за време на бременоста или се изложени на пасивно пушење. При тоа, ги изложуваат своите деца на поголем ризик од предвремено раѓање, мала родилна тежина и доцнење во развојот.
Сега, нова студија открила дека пушењето за време на бременоста исто така може кај трудницата да го зголеми ризикот од гестациски дијабетес. Инаку, гестацискиот дијабетес дополнително ја загрозува бременоста и го зголемува ризикот од комплицирано породување, како макросомија и породување со царски рез.
Трудниците кои пушеле ист или поголем број на цигари дневно како и пред бременоста, имале за 50% поголема веројатност дека ќе развијат гестациски дијабетес. Трудниците пак кои го намалиле бројот на испушени цигари и натаму имале за 22 проценти поголем ризик од оние бремени жени кои никогаш не пушеле или кои престанале да пушат две години пред забременувањето.
