Никотинот содржи голема количина на супстанци кои предизвикуваат зависност, и со самото тоа се пушењето се смета за една од најчестите лоши навики. Многу често, мајките веднаш штом се породат, посегнуваат за цигара, со образложение дека пушењето им помага за ослободување од стресот. Сепак, многу жени кои дојат се прашуваат дали на тој начин може да му наштетат на бебето и дали никотинот продира до мајчиното млеко. Стручњаците за лактација дадоа одговор на овие прашања.
Мајчиното млеко ги неутрализира повеќето негативни ефекти од никотинот. Но, постои низа на опасноти кои со себе ги носи пушењето за време на доењето.
Бебињата чии мајки се пушачи, изложени се на поголем ризик од развој на пневмонија, астма, а понекогаш и синдром на ненадејна смрт кај дете, како и акутни инфекции на уво. Исто така, од никотинот се зголемува ризикот од развој на грчеви, иритација на очите, стомачни проблеми.
Згора на се, пушењето се поврзува и со намалување на количината на млекото, ран престанок на доење и повеќето проблеми кои до отежнуваат и загрозуваат доењето.
Многу мајки се прашуваат дали никотинот доаѓа до мајчиното млеко и колку воопшто се задржува во организмот. Нивоата на никотин се најголеми непосредно по пушењето цигара, па најдобро би било да почекате помеѓу еден час и половина и три чаза по пушењеро. Исто така, имајте предвид дека бебиеата многу јадат, особено во првите месеци, па паметно е да имате подготвено испумпано млеко брз никотин.
Иако постои можност вашето бебе да порасне во здраво дете, најдобра одлука е да не ризикувате и доколку го доите детето, да престанете да пушите.
