Шведско истражување покажало дека постепеното воведување во исхраната на храна која содржи глутен во мали количини, во 4-тиот месец од животот на детето, додека мајката сè уште дои, може да има заштитен ефект од целијакија, често дигестивно нарушување.
Имено, истражувањето покажало дека децата на кои глутен им е воведен во исхраната во 4-от месец од животот имале помали шанси да развијат целијакија.
Глутенот се воведува во исхраната за време на доењето, бидејќи мајчиното млеко помага во создавањето на „добри“ бактерии во цревата, истакнуваат експертите. Секако треба да се истакне дека ризикот од развој на целијачна болест може да се намали за 52 отсто доколку детето се дои при воведување на глутен во исхраната.
Инаку, целијакијата, погодува околу 1 процент од популацијата, а генетската предиспозиција игра важна улога.
Протеинот глутен може да се најде во пченицата (пченица проламин и глутенин), јачменот (хордеин), ‘ржта (секалин) и евентуаноо овесот (авенин).
Според експертите, на целијачната болест може да се гледа како на неуспех да се развие орална толеранција кон глутен, или последователно губење на споменатата толеранција.
Извор: Pediatrics
