Се повеќе жени, од различни причини, се породуваат со царски рез. И покрај фактот што оваа процедура стана толку честа, како кај нас, така и во светот, сепак постојат некои заблуди поврзани со овој начин на породување.
Поради ова, експертите направиле листа на седумте најчести митови за царскиот рез во кои многу жени се уште веруваат.
1. По царскиот рез нема контакт кожа на кожа
По природно породување, вообичаена практика е да се стави бебето на градите на мајката, за контакт кожа на кожа и да се смири детето. Не е невозможно овој контакт да се случи и по царски рез, особено кога жената е свесна, односно операцијата не е направена под општа анестезија.
2. Доењето е невозможно
Многу жени сè уште мислат дека е невозможно да го дојат своето бебе ако се породат со царски рез. Тоа не е ни блиску до вистината! Доење и тоа како е можно, само потребно е малку повеќе трпение и време за да се воспостави производство на млеко во организмот, отколку по природно породување. Кога станува збор за самото доење, нема разлика дали сте се породиле вагинално или со царски рез.
3. По царски рез, природно породување е невозможно
Иако не е честа оракса жените кои веќе имале царски рез да се породат по природен пат, тоа секако не е невозможно. Меѓутоа, ако одлучите да го направите тоа, лекарите веројатно ќе мора да направат некои прегледи за да утврдат дали е безбедно во вашиот случај, но главно сè поминува добро.
4. Планираниот царски рез е побезбеден од природното породување
Постојат многу различни причини зошто жените закажуваат породување со царски рез. Ова најчесто се случува кога бебето е во таква положба што природното породување би било ризично или постои некој друг ризик за здравјето на мајката или бебето.
Меѓутоа, породување со царски рез само затоа што мислите дека е полесно или можеби се плашите од природно породување, можеби не е најдобрата опција. Треба да имате на ум дека царскиот рез е сепак операција, така да го следат одредени ризици како и секоја друга операција.
5. Опоравувањето по царски рез е исто како и по природно породување
Периодот на опоравување по оваа операција трае до четири недели, додека просечното времетраење на опоравувањето по природно раѓање е околу две недели. Покрај тоа, по царски рез, неопходно е да се воздржите од некои поинтензивни физички активности, не треба да кревате ништо тешко, па дури и интимните односи обично треба да почекаат подолго отколку по природно породување.
6. Не постои ограничен број на царски резови за една жена
Работата е многу индивидуална и лекарите одлучуваат дали уште еден царски рез би бил ризичен или не, главно во однос на здравствената состојба на жената. Сепак, треба да се има предвид дека ризиците се зголемуваат со секој следен царски рез од повреди на цревата, мочниот меур, крварење…
7. При царски рез ништо не се чувствува
Ако пораѓањето е направено под спинална анестезија, односно жената е будна за време на царскиот рез, дефинитивно нема да чувствува болка, но ќе почувствува благ притисок или вадење на бебето. Сепак, тоа може да се нарече малку непријатно чувство отколку болка.
