Она што го зборуваат родителите има огромно влијание врз децата, велат психолозите и откриваат кои реченици треба да ги избегнувате.
- Престани да плачеш
Децата ги изразуваат своите емоции и фрустрации со плачење и многу е важно да не ги спречите во тоа. Тие треба да знаат дека е во ред да се чувствуваат среќни, тажни, лути и бесни…
- Многу си мрзлив/а
Детскиот психолог Стејси Хејнс истакнува дека децата не се мрзливи, и дека често постои вистинска причина зошто тие не се во состојба да го постигнат она што се бара од нив. Оваа реченица има негативно влијание врз самодовербата на детето, а освен тоа, секако нема да го мотивира да се однесува поинаку, само ќе направи да се чувствува лошо.
- Зошто морам се да ти кажам 100 пати?
Ако морате да му го повторувате секое барање на вашето дете безброј пати, размислете за вашиот стил на комуникација – можеби треба да промените нешто и да му пристапите поинаку.
- Прави како што ти кажувам или…
Експертите велат дека е многу поефикасно секогаш да му објаснувате на вашето дете зошто и како треба да направи нешто. Така ќе му биде појасно зошто сакате да се однесува на одреден начин и има поголеми шанси да ве послуша.
- Тогаш јас ќе одам, а ти ќе останеш сам/а
Речиси и да нема родител кој барем еднаш не му се заканил на своето дете дека ќе оди некаде без него, кога тоа одбива да тргне. Меѓутоа, професорот по психологија д-р Алан Сруф истакнува дека тоа ги прави децата да се чувствуваат несигурно бидејќи мислата дека родителите би можеле да ги напуштат е застрашувачка за нив.
- Остави ме на мира
Да бидеме реални, сите деца понекогаш се напорни и во дадени моменти ги излудуваат родителите, но еве зошто не е добро да им кажете „оставете ме на мира“. Експертите велат дека детето ќе ја интернализира оваа порака и ќе добие впечаток дека нема смисла да разговара со вас, бидејќи вие го одбивате, што ќе предизвика со текот на времето да се дистанцира од вас.
7. Добро де, не е тоа толку важно
Она што за вас не е важно, за детето можеби е, а во тој случај со оваа реченица испраќате погрешна порака, односно правите да се чувствува засрамено поради своите емоции.
